Իսրայելի պաշտպանության բանակը (ՑԱԽԱԼ) հայտարարել է ցամաքային գործողություն սկսելու մասին Էշ–Շուջաիյա շրջանում, որը գտնվում է Գազա քաղաքի արևելքում՝ համանուն հատվածի հյուսիսային մասում։
«Վերջին մի քանի ժամվա ընթացքում Իսրայելի պաշտպանության բանակի զորքերը սկսել են ցամաքային գործողություններ իրականացնել Գազայի հյուսիսում գտնվող Շուջաիյա շրջանում՝ անվտանգության գոտին ընդլայնելու նպատակով», – ասվում է բանակի մամուլի ծառայության հաղորդագրության մեջ:
Մարտի 18-ի գիշերը Իսրայելի պաշտպանության բանակը վերսկսել է հարձակումները Գազայի հատվածի վրա։ Իսրայելի վարչապետ Բենիամին Նեթանյահուն հայտարարել է, որ հարձակումները շարունակվել են՝ պայմանավորված ՀԱՄԱՍ-ի կողմից հրադադարի երկարաձգման և պատանդներին ազատ արձակելու ամերիկյան ծրագրից հրաժարվելու պատճառով։
Իսրայելի և ՀԱՄԱՍ-ի միջև պաշտոնական զինադադարն ավարտվեց մարտի 1-ին, սակայն ռազմական գործողությունները չվերսկսվեցին, քանի որ միջնորդները փորձում էին կողմերին ներգրավել Գազայի կարգավորման շուրջ բանակցությունները շարունակելու մեջ։ Այնուամենայնիվ, Իսրայելը դադարեցրել է էլեկտրաէներգիայի մատակարարումը հատվածի աղազատիչ կայանին և փակել է մարդասիրական օգնությունով բեռնատարների մուտքը։
0Comments