Ուկրաինայի ամբողջ տարածքում օրվա ընթացքում երկրորդ անգամ է օդային տագնապ հայտարարվել։ Այս մասին հաղորդում է ՌԻԱ Նովոստին՝ հղում անելով Ուկրաինայի թվային փոխակերպման նախարարության առցանց քարտեզներին։
Այսօր ավելի վաղ ամբողջ Ուկրաինայում օդային ռմբակոծման նախազգուշացում էր հայտարարվել, որը չեղարկվել էր երկու ժամ անց։ Օդային տագնապի ֆոնին ուկրաինական լրատվամիոցները և իշխանությունները հայտնել են Կիևում, Դնեպրում, Կրոպիվնիցկիում, Կրեմենչուկում, Սումիի շրջանում և Կիևի վերահսկողության տակ գտնվող Խերսոն քաղաքում հնչած պայթյունների մասին:
Առցանց քարտեզների տվյալներով՝ օդային տագնապի ազդանշանն առաջինը հնչել է Կիևում և Վիննիցայի ու Խարկովի մարզերում Մոսկվայի ժամանակով 12։51-ին (Երևանի ժամանակով՝ 13։51), իսկ մեկ րոպե անց՝ Ուկրաինայի մյուս բոլոր շրջաններում։
Ռուսաստանի զինված ուժերի ուկրաինական ենթակառուցվածքի վրա հարձակումները սկսվել են 2022 թվականի հոկտեմբերի 10-ին՝ Ղրիմի կամրջի վրա տեղի ունեցած ահաբեկչությունից երկու օր անց, որի հետևում, ըստ Ռուսաստանի իշխանությունների, կանգնած են ուկրաինական հատուկ ծառայությունները։ Հարվածները հասցվում են ամբողջ երկրի էներգետիկայի, պաշտպանական արդյունաբերության, ռազմական հրամանատարության և կապի օբյեկտներին։
0Comments