Ֆրանսիայի Զինված ուժերի նախարար Սեբաստյան Լեկորնյուն այսօր հանդիպել է իր հայ գործընկեր Սուրեն Պապիկյանի հետ։
Այս մասին հայտնում է Ֆրանսիայի ՊՆ-ի X-ի միկրոբլոգը։
Նշվում է, որ հանդիպման նպատակը զենքի ձեռքբերման պաշտոնական ձևակերպումն է։
«Որպեսզի Հայաստանը կարողանա պաշտպանել իր խաղաղ բնակչությանը և ապահովել իր սահմանների անվտանգությունը»,- ասվում է գրառման մեջ։
Ֆրանսիացի պատգամավոր Աստրիդ Փանոսյանը նույնպես իր X-ի էջում գրել է. «Սեբաստիան Լեկորնյուն և նրա հայ գործընկեր Սուրեն Պապիկյանը քննարկել են ռազմական համագործակցությունը Հայաստանի ինքնիշխանության պաշտպանության համար։
Ֆրանսիան միշտ Հայաստանի կողքին կլինի»։
0Comments