Սրբուհի Գալյանը ելույթ է ունեցել «ՀԸԳՀ. հեռանկարի և գործողությունների միջև կապի ամրապնդում» խորագրով աշխատաժողովին
Հուլիսի 16, 2025

Սրբուհի Գալյանը ելույթ է ունեցել «ՀԸԳՀ. հեռանկարի և գործողությունների միջև կապի ամրապնդում» խորագրով աշխատաժողովին

By Հուլիսի 04, 2025 88
Սրբուհի Գալյանը մասնակցել է «ՀԸԳՀ. Հեռանկարի և գործողությունների միջև կապի ամրապնդում» խորագրով աշխատաժողովին: 
Արդարադատության նախարար Սրբուհի Գալյանը ելույթով է հանդես եկել Ազգային ժողովի Եվրոպական ինտեգրման հարցերի մշտական հանձնաժողովի նախաձեռնությամբ կազմակերպված՝ «ՀԸԳՀ. Հեռանկարի և գործողությունների միջև կապի ամրապնդում» խորագրով աշխատաժողովին, որին մասնակցում էին նաև Փոխվարչապետ Մհեր Գրիգորյանը, Ներքին գործերի նախարար Արփինե Սարգսյանը, ԱԺ Եվրոպական ինտեգրման հարցերի մշտական հանձնաժողովի նախագահ Արման Եղոյանը և Հայաստանում ԵՄ պատվիրակության ղեկավար Վասիլիս Մարագոսը:

Սրբուհի Գալյանը ներկայացրել է Արդարադատության նախարարության համակարգմամբ իրականացված առանցքային բարեփոխումները, որոնք գնահատելի են նաև Համապարփակ և ընդլայնված գործընկերության համաձայնագրի կիրարկման տեսանկյունից: Նա ընդգծել է վեճերի այլընտրանքային լուծման մեխանիզմների ներդրման, խտրականության դեմ պայքարի, անձնական տվյալների պաշտպանության ոլորտներում իրականացված քայլերը:

Նախարարն անդրադարձել է նաև Արդարադատության նախարարության դերակատարմանը ներպետական օրենսդրությունը ԵՄ օրենսդրությանը մոտարկելու գործընթացում՝ արձանագրելով, որ արդեն իսկ իրականացվել է մի քանի տասնյակ փորձաքննություն, և նախարարությունը շարունակելու է այդ ուղղությամբ կարողությունների զարգացումը: 
Կարևորելով Համաձայնագրի ռազմավարական նշանակությունը՝ նախարարը ևս մեկ անգամ ընդգծել է, որ Կառավարության որոշմամբ ընդունված Ճանապարհային քարտեզները կարևոր գործիք են Համաձայնագրի արդյունավետ իրականացման համար։ Այնուամենայնիվ, Կառավարության համար հիմնական ուղենիշը մնում է հենց բուն Համաձայնագրով սահմանված պարտավորությունների կատարմանն ուղղված հանձնառությունը։
Այս համատեքստում նա ներկայացրել է Արդարադատության նախարարության կողմից ՀԸԳՀ իրականացման ճանապարհային քարտեզի վերանայման ու նորի մշակման աշխատանքներն ու կիրառված սկզբունքները:
Աշխատաժողովին զեկուցմամբ հանդես է եկել նաև Արդարադատության նախարարի տեղակալ Աննա Կարապետյանը՝ ներկայացնելով քարտեզի նորացման շրջանակում Նախարարության կողմից ձեռնարկված քայլերը, շահագրգիռ մարմիններից ստացված առաջարկների վերլուծության և լրամշակման արդյունքները ու ընթացիկ մարտահրավերները: 
Գործընկերները բարձր են գնահատել Արդարադատության նախարարության համակարգմամբ իրականացված ծավալուն աշխատանքը՝ շնորհակալություն հայտնելով շարունակական համագործակցության և ներառական գործընթացի համար։
Հանդիպման ընթացքում շահագրգիռ մարմինների կողմից ներկայացվել և հասցեագրվել են Համաձայնագրի իրականացման հետ կապված առաջարկներն ու հնարավոր մտահոգությունները:
Rate this item
(0 votes)

Լրահոս

Ֆոտո

Նախկին ՔՊ-ական Գնել Սարգսյանին շքամուտքում ծեծել են (վիդեո)

Արևմուտքը Իրանի համար վերջնաժամկետ է սահմանել օգոստոսի վերջը՝ միջուկային համաձայնագրի շուրջ համաձայնության գալու համար

Հակոբ Սիմիդյանն ազատվել է Շրջակա միջավայրի նախարարի պաշտոնից, նրան կփոխարինի Համբարձում Մաթևոսյանը

Գյուրջյան փողոցը Մյասնիկյան պողոտային միացնող ճանապարհի հիմնանորոգման նախագծի մրցույթը կայացել է․ չափագրումն ավարտված է

Ռուսաստանի հայերի միության ղեկավարը դիմել է Փաշինյանին

Եկեղեցին դարձրել են «Իսլամական պետության» ֆիլիալը, գլուխ են կտրում․ Արայիկ Հարությունյանը տեսանյութ է հրապարակել

Թրամփը Լոս Անջելեսից հետ է քաշում Ազգային գվարդիայի հազարավոր զորքերը

Երևանում Արցախի մշտական ներկայացուցչության շենքը հետ են պահանջում

UNESCO-ն Նեմրութ լեռան սրբավայրի պահպանման աշխատանքներ է տանում

Թրամփը չի պատրաստվում Ուկրաինային JASSM հեռшհար հրթիռներ մատակարարել

100 գրա՞մ, թե՞ կիլոգրամ. օգոստոսի 1-ից Հայաստանի խանութները պետք է ճշգրտեն գնապիտակները

ԵՄ երկրները դեռ չեն կարողացել համաձայնության գալ Ռուսաստանի դեմ պատժամիջոցների 18-րդ փաթեթի շուրջ

Հայաստանում կսահմանափակվեն անհատական զեղչերը

Եկատերինբուրգում ձերբակալվել է Ուրալի ադրբեջանական սփյուռքի ղեկավարի որդին

Կրիշտիանու Ռոնալդուի ընկերուհին նախընտրում է մարզվել 100,000 դոլար արժողությամբ ադամանդներով