Ուսուցիչների կամավոր ատեստավորման կարգում փոփոխություններ կկատարվեն
Հուլիսի 31, 2025

Ուսուցիչների կամավոր ատեստավորման կարգում փոփոխություններ կկատարվեն

By Հուլիսի 03, 2025 117

Հայաստանի կառավարությունը հուլիսի 3-ի նիստում հաստատել է ուսուցիչների կամավոր ատեստավորման կարգում փոփոխություններ իրականացնելու որոշումը:

ԿԳՄՍ նախարար Ժաննա Անդրեասյանը նշել է՝ 2021 թվականին մեկնարկած գործընթացի շրջանակում յուրաքանչյուր տարի կամավոր ատեստավորման կարգը վերամշակվել է գործընթացի վերլուծության, ինչպես նաև ուսուցիչների առաջարկների հիման վրա:

Ժաննա Անդրեասյանի խոսքով՝ նոր փոփոխությամբ հստակեցվել են որոշ դրույթներ, որոնք պարզեցման կարիք ունեին։

Մասնավորապես՝ ատեստավորման ընթացքում առաջացող տեխնիկական բնույթի խնդիրները տեղում քննելու հնարավորություն է սահմանվել: Գործող կարգում թեստավորման աշխատանքն ավարտած մասնակիցն անմիջապես դուրս էր գալիս քննասենյակից, իսկ առաջարկվող կարգավորմամբ Էլեկտրոնային թեստավորման դեպքում արդյունքների մասին ամփոփաթերթը ստանալուց հետո, իսկ թղթային եղանակով ատեստավորման դեպքում՝ ԳԹԿ-ի կայքէջում արդյունքների հրապարակումից հետո, մասնակիցը 24 ժամվա ընթացքում կարող է բողոքարկման դիմում ներկայացնել անհամաձայնության դեպքում։ Թեստի կամ համակարգչի տեխնիկական բնույթի խնդրի վերաբերյալ մասնակցի ներկայացրած բողոքը ստանալուց հետո մեկ ժամվա ընթացքում խնդիրն արձանագրվում և բանավոր կերպով պարզաբանվում է:

«Նախորդ տարի, երբ էլեկտրոնային եղանակով առաջին անգամ իրականացվեց ուսուցիչների կամավոր ատեստավորումը, պարզ դարձավ, որ պետք է առանձնացնել բովանդակային բողոքարկումը, որը կարող է կապված լինել, օրինակ, թեստի որևէ հարցի հետ: Նոր փոփոխությամբ հնարավորություն է տրվել տեխնիկական հարցերի հետ կապված բողոքարկումն անել անմիջապես ատեստավորումից հետո, ինչը թույլ կտա շատ ավելի օպերատիվ արձագանքել ուսուցիչների բարձրացրած խնդիրներին և տեխնիկական հարցերը լուծել տեղում։ Սա, կարծում եմ, կարևոր և սպասված փոփոխություն է»,- ներկայացրել է Ժաննա Անդրեասյանը:

Որոշմամբ հստակեցվել է նաև մեկից ավելի առարկա դասավանդող ուսուցիչների ատեստավորման ընթացակարգը: Մասնավորապես՝ կարգավորվել է՝ որևէ առարկայի ատեստավորումը չհաղթահարելու պարագայում հաջորդ անգամ ուսուցիչը պետք է ատեստավորում անցնի նույն առարկայից:

Ժաննա Անդրեասյանը նաև տեղեկացրել է՝ ՀՀ կրթության, գիտության, մշակույթի և սպորտի նախարարությունը հուլիսի 2-ից հայտարարել է հանրակրթական ուսումնական հաստատությունների ուսուցիչների կամավոր ատեստավորման հայտերի ընդունելություն, որը կտևի մինչև 2025 թվականի սեպտեմբերի 30-ը՝ ժամը 18:00-ն։ Ատեստավորմանը մասնակցել ցանկացողները հայտերը պետք է ներկայացնեն Կրթության կառավարման տեղեկատվական համակարգի էլեկտրոնային մատյանում՝ matyan.emis.am առավել պարզեցված ընթացակարգով:

«Լրամշակած ուղեցույցները օգտակար կլինեն ուսուցիչների համար: Հույս ունեմ, որ նոյեմբերին անցկացվելիք ատեստավորմանն ավելի քան 6000 ուսուցիչ կմասնակցի»,- նշել է ԿԳՄՍ նախարարը:

Նշվում է, որ կամավոր ատեստավորմանը կարող են դիմել և մասնակցել նաև նախնական (արհեստագործական) և միջին մասնագիտական կրթական ծրագրեր իրականացնող ուսումնական հաստատությունում հանրակրթական առարկաներ դասավանդող մասնագետները, ինչպես նաև երեխայի խնամքի համար արձակուրդում գտնվող ուսուցիչները և  ուսուցիչ չաշխատող այն մասնագետները, ովքեր ունեն համապատասխան որակավորում։ Նշված դեպքերում կամավոր ատեստավորման հայտերը ներկայացնում են Կրթության կառավարման տեղեկատվական համակարգում ձևավորված  at.emis.am հարթակում։

Rate this item
(0 votes)

Լրահոս

Ֆոտո

Թրամփը նախազգուշացրել է Մեդվեդևին. «Զգո՛ւյշ եղիր խոսքերիդ մեջ»

Կանադան պատրաստվում է ճանաչել Պաղեստինը․ վարչապետ

Երկրաշարժ՝ Ադրբեջանում․ այն զգացվել է նաև Գեղարքունիքի մարզում

Հնարավոր է կարճատև անձրև և ամպրոպ. եղանակն առաջիկա օրերին

Թրամփը 50% մաքսատուրք կսահմանի պղնձի ներմուծման վրա

Ռուսաստանից կես տարում 26.000 միգրանտ է արտաքսվել

Ագրեսիայի վերսկսման դեպքում Իրանի պատասխան գործողությունների աշխարհագրությունը և ռազմադաշտը կարող են փոխվել. ԻՀՊԿ

ԱՄՆ հատուկ բանագնաց Սթիվ Ուիթքոֆը կմեկնի Իսրայել՝ Գազայի շուրջ բանակցությունների համար

Պաղեստինի վերաբերյալ վերջնական փաստաթուղթն ընդունվել է 17 երկրների կողմից

ՀՀ-ն ողջունում է Ֆրանսիայի՝ Պաղեստինի պետության ճանաչման վերաբերյալ հայտարարությունը․ ԱԳՆ

Լոնդոնի օդային տարածքը ժամանակավորապես փակվել է

Ադրբեջանցիները օկուպացված Ստեփանակերտում ոչնչացրել են Այվազովսկու արձանը

Ուկրաինան շատ մոտ է Ռուսաստանի խորքը հարվածելու համար բալիստիկ հրթիռներ ստեղծելուն. Շմիգալ

ԱՄՆ-ն ու Հարավային Կորեան միջուկային պատերազմի են պատրաստվում․ ԿԺԴՀ

Թուրքիայի ու Ադրբեջանի համար «միջանցքը» ամբողջ Սյունիքն է, ճանապարհը սողացող նվաճման առաջին քայլն է, ընդհանուր սահման են ուզում․ Վարուժան Գեղամյան (տեսանյութ)