ՀԱՄԱՍ-ը դեռ չի ընդունել ԱՄՆ-ի հրադադարի ծրագիրը, Իսրայելն ընդունել է
Հուլիսի 09, 2025

ՀԱՄԱՍ-ը դեռ չի ընդունել ԱՄՆ-ի հրադադարի ծրագիրը, Իսրայելն ընդունել է

By Մայիսի 30, 2025 166

ԱՄՆ-ն Իսրայելին և ՀԱՄԱՍ-ին առաջարկել է 2 ամսով հրադադարի նոր նախագիծ։ Կողմերը կրակը դադարեցնելու հնարավորություն ունեն, կարծում են Վաշինգտոնում: Reuters-ին ծանոթ փաստաթղթի համաձայն՝ Գազայում հրադադարի առաջին շաբաթվա ընթացքում, պաղեստինյան ՀԱՄԱՍ խմբավորումը պետք է ազատ արձակի 28 իսրայելցի պատանդի՝ ողջ և մահացած, փոխարենն ազատ է արձակվելու 1236 պաղեստինցի, հանձնելու են 180 մահացած պաղեստինցու աճյուն։

Մնացած իսրայելցի պատանդներն ազատ կարձակվեն, երբ Գազայում հաստատվի մշտական ​​​​հրադադար։ Իսրայելն, իր հերթին, պարտավորվում է դադարեցնել բոլոր ռազմական գործողությունները Գազայում հրադադարի ուժի մեջ մտնելու պահից։ Իսրայելի պաշտպանության ուժերը կսկսեն զորքերի փուլային դուրսբերումը տարածաշրջանից։

ԱՄՆ նախագահ Դոնալդ Թրամփը և միջնորդներ Եգիպտոսն ու Կատարը պետք է հանդես գան որպես համաձայնագրի իրականացման երաշխավորներ։ Հրադադարի համաձայնագրի ստորագրումից հետո մարդասիրական օգնությունը կմտնի Գազայի հատված՝ ՄԱԿ-ի, Կարմիր մահիկի և այլ համաձայնեցված ճանապարհներով։

Reuters-ի հաղորդմամբ՝ Իսրայելն ընդունել է հրադադարի նոր նախագիծը, որը փոխանցել է ԱՄՆ նախագահի հատուկ բանագնաց Սթիվ Ուիթքոֆը, ՀԱՄԱՍ-ը՝ դեռ ոչ:

Պաղեստինյան ՀԱՄԱՍ շարժման ներկայացուցիչները գործակալությանը հայտնել են, որ ուսումնասիրում են փաստաթուղթը և մտադիր են պաշտոնական պատասխան տալ ուրբաթ կամ շաբաթ։ Խմբավորման ներկայացուցչի խոսքով՝ այն «հիմնականում արտացոլում է Իսրայելի դիրքորոշումը» և չի պարունակում այդ երկրի հստակ պարտավորությունները՝ Գազայում պատերազմը դադարեցնելու, զորքերը տարածաշրջանից դուրս բերելու և մարդասիրական օգնությունը թույլատրելու հարցերում։

Euronews-ն էլ նշել է, որ հրադադարի վերաբերյալ ԱՄՆ-ի նոր նախագիծը հայտարարվել է Հորդանան գետի Արևմտյան ափը ակտիվորեն զարգացնելու Իսրայելի ծրագրերի ֆոնին։

Նույն օրը Թել Ավիվը հայտարարել է, որ Արևմտյան ափին կկառուցի ևս 22 բնակավայր՝ քայլ, որը միջազգային իրավունքի համաձայն անօրինական է։

Rate this item
(0 votes)

Լրահոս

Ֆոտո

Ադրբեջանում ռուսաց լեզվի առումով բացասական դինամիկա է նկատվում․ Ռոսսոտրուդնիչեստվո

ԱՄԷԳ-ն Իրանի կողմից միջուկային զենքի ստեղծման նշաններ չի տեսել

Արցախի ու արցախցիների թեման եղել ու մնում է մեզ համար առաջնային օրակարգի հարց. ՀՀԿ

Հունգարիան դեմ է արտահայտվել ԵՄ-ի 2028-2034թթ. բյուջեից Ուկրաինային 100 մլրդ եվրո հատկացմանը

Նիկոլ Փաշինյանը ժամանել է Արաբական Միացյալ Էմիրություններ

Զելենսկին հանդիպել է Հռոմի պապի հետ

Դոլարն ու եվրոն էժանացել են. փոխարժեքները հուլիսի 9-ին

Օրբանը պահանջում է, որ Ուրսուլա ֆոն դեր Լեյենը հրաժարական տա կոռուպցիայի մեղադրանքների պատճառով

Հեգսեթը Ուկրաինային զենքի մատակարարումը դադարեցրել է՝ Սպիտակ տանը տեղյակ չպահելով

Թուրքիայի կառավարության օրակարգում չկա նախագահական և խորհրդարանական արտահերթ ընտրություններ անցկացնելու հարց. ընտրությունները կանցկացվեն 2028 թվականին. Էրդողան

Սուրեն Պապիկյանը հեռախոսազրույց է ունեցել ԻԻՀ պաշտպանության և զինված ուժերի աջակցման նախարարի հետ

ՌԴ-ն իր քաղաքացիների մուտքը Հայաստան արգելելը դիտարկում է որպես ոչ բարեկամական գործողություն. ԱԳՆ

Երևանի Խորենացի փողոցում կատարվել են երթևեկության կազմակերպման փոփոխություններ

Ռուսական բանակը գրավել է Տոլստոյ գյուղը Դոնեցկի տարածքում

ՌԴ-ն Ուկրաինայի վրա է արձակել պատերազմի ընթացքում ամենամեծ թվով՝ 728 ԱԹՍ