ՌԴ նախագահ Վլադիմիր Պուտինի ինքնաթիռը վայրէջք է կատարել Տյանցզին քաղաքի Բինհայ օդանավակայանում, այստեղից սկսվում է Ռուսաստանի ղեկավարի չորսօրյա այցելության ծրագիրը Չինաստան, հայտնում է ՏԱՍՍ-ը։
ՉԺՀ նախագահ Սի Ծինփինի հրավերով Ռուսաստանի նախագահը կայցելի Տյանցզին և Պեկին քաղաքները։
Օդանավակայանում Պուտինին դիմավորել է պատվո պահակախումբը։ Ինքնաթիռի թռիչքուղու մոտ պետության ղեկավարին սպասում էին Քաղբյուրոյի անդամ, Տյանցզինի կուսակցական կոմիտեի քարտուղար Չեն Միները, ՌԴ արտակարգ և լիազոր դեսպան ՉԺՀ-ում Իգոր Մորգուլովը և Չինաստանում ռուսաստանյան արտասահմանյան հաստատությունների ավագ դիվանագիտական աշխատակիցներ։ Պուտինը, իջնելով ինքնաթիռից , դիմավորողների հետ փոխանակվել է ձեռքսեղմումներով, նստել է նախագահական «Աուրուս»-ը և մեկնել իրեն հատկացված նստավայր։
Իր ռուսաստանյան համարանիշերով մեքենայով Վլադիմիր Պուտինը սովորաբար տեղաշարժվում է ցանկացած ուղևորության ժամանակ, այդ թվում՝ արտասահմանյան։ Այս անգամ ևս նախագահական լիմուզինը հատուկ բերվել է Ռուսաստանից, սակայն համարանիշերը փոխարինվել են չինականով։ Սև գույնը նշանակում է դիվանագիտական համարանիշեր։
Օգոստոսի 31-ի երեկոյան Մեյցզյանի միջազգային կոնգրես-ցուցահանդեսային կենտրոնում կմեկնարկի Շանհայի համագործակցության կազմակերպության (ՇՀԿ) գագաթնաժողովը։ ՇՀԿ գագաթնաժողովին ժամանած առաջնորդներին սպասվում է ընդունելություն և համերգ՝ հանդիսավոր դիմավորումից և լուսանկարվելու ավանդական արարողությունից հետո։
Latest from Live24
- Հարգելի՛ Վրաստանի կառավարություն, դուք ձեր ժողովրդին չեք մոտեցնում ԵՄ-ին, այլ ավելի եք հեռացնում նրանց. ԵՄ հանձնակատար
- Տեղումներ չեն սպասվում. եղանակի տեսություն
- ՔՊ-ում դժգոհության առիթ է դարձել 2026 թվականի «գլխագինը». «Ժողովուրդ»
- Ես չեմ տեսնում խաղաղություն, ուղղակի չեմ տեսնում. Սերժ Սարգսյան
- Հայաստանը և Թուրքիան համաձայնության են եկել ավելացնել չվերթների քանակը. Միրզոյան
- ԱՄՆ ամենածանրաբեռնված օդանավակայաններից մեկում բոլոր չվերթները դադարեցվել են ռումբի սպառնալիքի պատճառով
- Տարադրամի փոխարժեքները նոյեմբերի 5-ին
- Հունգարիան թույլ չի տա Ուկրաինային անդամակցել ԵՄ-ին. Հունգարիայի ԱԳՆ
Լրահոս
Ֆոտո
