«Արաբիկա» տեսակի սուրճի բորսայական գներն այսօր շարունակել են բարձրանալ՝ հասնելով ռեկորդային նիշի` տոննայի դիմաց ավելի քան 8,5 հազար դոլարի:

Օրվա ընթացքում ցուցանիշը հասել է տոննայի դիմաց գրեթե 8 562 դոլարի:

«Ռոբուստա» տեսակի սուրճի մարտյան ֆյուչերսների գինը նվազել է 1,49 %-ով՝ մեկ տոննայի դիմաց հասնելով 5 633 դոլարի:

Հիշեցնենք` հունվարի վերջին «Արաբիկա» տեսակի սուրճի գինն առաջին անգամ հասել էր տոննայի դիմաց ավելի քան 8 հազար դոլարի, մինչդեռ նոյեմբերին մեկ տոննայի գինն ավելի քան 7 հազար դոլար էր, իսկ սեպտեմբերին՝ ավելի քան 6 հազար դոլար։