Փհենյանում կայացել են Կիմ Չեն Ըն-Պուտին բանակցությունները. կստորագրվի փաստաթուղթ, որը կլինի ՌԴ-ԿԺԴՀ հարաբերությունների հիմքում
Հոկտեմբերի 07, 2025

Փհենյանում կայացել են Կիմ Չեն Ըն-Պուտին բանակցությունները. կստորագրվի փաստաթուղթ, որը կլինի ՌԴ-ԿԺԴՀ հարաբերությունների հիմքում

By Հունիսի 19, 2024 322

Փհենյանում կայացել են ՌԴ նախագահ Վլադիմիր Պուտինի և Հյուսիսային Կորեայի առաջնորդ Կիմ Չեն Ընի բանակցությունները, որոնք ընթանում են պատվիրակությունների կազմով, հաղորդում է ՌԻԱ Նովոստին:

Սա Պուտինի առաջին այցն է ԿԺԴՀ 2000 թվականից ի վեր։ Վաղ առավոտյան ՌԴ առաջնորդն իր հյուսիսկորեացի գործընկերոջ հետ ժամանել է Կիմ Իր Սենի հրապարակ, որտեղ տեղի է ունեցել դիմավորման հանդիսավոր արարողությունը, ինչից հետո Պուտինն ու Կիմ Չեն Ընը մեկնել են պետական նստավայր։

Ինչպես նշել է ՌԴ նախագահը հանդիպման մեկնարկին, բանակցությունների ընթացքում կստորագրվի «նոր հիմնարար փաստաթուղթ», որը կլինի ՌԴ-ի և ԿԺԴՀ-ի հարաբերությունների հիմքում:

«Անցյալ տարի Ռուսաստան կատարած Ձեր այցի արդյունքում մենք զգալիորեն առաջ շարժվեցինք այսօրվա մեր միջպետական կապերի կառուցման գործում։ Այսօր պատրաստվել է նոր հիմնարար փաստաթուղթ, որը երկարաժամկետ հեռանկարում մեր հարաբերությունների հիմքը կհանդիսանա», - նշել է Պուտինը։

Ռուսաստանի ղեկավարը հիշեցրել է, որ անցած տարի երկրները նշել են դիվանագիտական հարաբերությունների հաստատման 75-ամյակը, իսկ ընթացիկ տարում ՝ առաջին միջպետական փաստաթղթի՝ տնտեսական և մշակութային համագործակցության մասին համաձայնագրի կնքման 75-ամյակը:

«Ինչպես հայտնի է, այդ համաձայնագիրը ստորագրվել է ընկեր Կիմ Իր Սենի կողմից Մոսկվա կատարած նրա առաջին այցի ընթացքում»,- հիշեցրել է Ռուսաստանի ղեկավարը:

Պուտինը հույս է հայտնել, որ Կիմ Չեն Ընի հետ հաջորդ հանդիպումը կկայանա Մոսկվայում:

ՌԴ նախագահը նաև կիսվել է Փհենյանից ստացած իր տպավորություններով՝ նշելով, որ քաղաքը ավելի գեղեցիկ է դարձել․ «2000 թվականին իմ նախորդ այցից հետո Փհենյանում տեղի ունեցած փոփոխությունները տպավորիչ են։ Դա պարզապես նկատելի է... Հաճելի է դիտել այն, անկեղծ եմ ասում»։

Նշենք, որ ռուսական պատվիրակության կազմում են ՌԴ արտաքին գործերի նախարար Սերգեյ Լավրովը, առաջին փոխվարչապետ Դենիս Մանտուրովը, փոխվարչապետ Ալեքսանդր Նովակը, նախագահի մամուլի քարտուղար Դմիտրի Պեսկովը, նախագահի միջազգային հարցերով օգնական Յուրի Ուշակովը, ԿԺԴՀ-ում ՌԴ արտակարգ և լիազոր դեսպան Ալեքսանդր Մացեգորան, պաշտպանության նախարար Անդրեյ Բելոուսովը, բնական պաշարների նախարար Ալեքսանդր Կոզլովը, առողջապահության նախարար Միխայիլ Մուրաշկոն, տրանսպորտի նախարար Ռոման Ստարովոյտը, պաշտպանության փոխնախարար Ալեքսեյ Կրիվորուչկոն, Ռուսական երկաթուղիների ղեկավար Օլեգ Բելոզերովը և Ռոսկոսմոսի ղեկավար Յուրի Բորիսովը։

Հյուսիսկորեական պատվիրակության կազմում ԿԺԴՀ առաջնորդից բացի ներառված են նաև վարչապետ Կիմ Դոկ Հունը, արտաքին գործերի նախարար Ցոյ Սոն Հին, Կորեայի Աշխատավորական կուսակցության կենտրոնական ռազմական կոմիտեի նախագահի տեղակալ Պակ Չոն Չհոնը, կուսակցության քարտուղար Չո Յոն Վոնը, կուսակցության Կենտրոնական ռազմական վարչության միջազգային բաժնի ղեկավար Կիմ Սոն Նամը և ԿԺԴՀ փոխարտգործնախարար Իմ Չհոն Իրը։

Rate this item
(0 votes)
Last modified on Չորեքշաբթի, 19 Հունիսի 2024 12:49

Լրահոս

Ֆոտո

Հերթական միջադեպը դպրոցում.15-ամյա աշակերտը «ճակատոսկրի կոտրվածք» ախտորոշմամբ տեղափոխվել է ԲԿ

Լեկորնյուի հրաժարականից հետո ֆրանսիացիների մեծամասնությունը պահանջում է նաև Մակրոնի հրաժարականը․ հարցում

Մայր Թերեզա է աշխատում, բարեբախտաբար աղջիկ չի ծնվել, ազգային խայտառակություն կլիներ. Քոչարյանը՝ Փաշինյանի մասին

Փի Դիդդին Թրամփից ներում է խնդրել

Երևանում տրոլեյբուսում հայտնաբերվել է կնոջ մարմին

Նույնիսկ մեր կազակների ձիերը ավելի լավ կկատարեին նրա աշխատանքը. Մեդվեդևը՝ Մակրոնի մասին

2026թ․ «Ոսկե գնդակի» ֆավորիտների տասնյակը

Եգիպտոսում կշարունակվեն Իսրայելի և ՀԱՄԱՍ-ի միջև անուղղակի բանակցությունները

Լուկաշենկոն շնորհավորել է Պուտինին 73-ամյակի կապակցությամբ

TRIPP երթուղին, որը կապահովի Ադրբեջանի և Նախիջևանի միջև կապը, կարևոր քայլ է․ Բայրամով

#ՀԻՄԱ. ՌՈԲԵՐՏ ՔՈՉԱՐՅԱՆԻ ՄԱՄՈՒԼԻ ԱՍՈՒԼԻՍԸ

Սալոմե Զուրաբիշվիլին ծրագրել էր մտնել Թբիլիսիի նախագահական պալատ, եթե պետական հեղաշրջումը հաջողեր․ Կոբախիձե

Տարադրամի փոխարժեքները հոկտեմբերի 7-ին

Փարաքար համայնքի ղեկավար ընտրվեց Օնիկ Ախվերդյանը

Ադրբեջանը, Վրաստանը և Ղազախստանը ստորագրել են Միջին միջանցքի համար համատեղ գործողությունների ծրագիր