Ներքին գործերի նախարարության գծով ծախսերը կկրճատվեն 2,2 %–ով՝ հասնելով 102,6 մլրդ դրամի։ Ոստիկանության գծով առանձին տվյալներ չեն ներկայացվել։

Սոցիալական պաշտպանության ծախսերը 2026 թ. կաճեն 9,6 %–ով՝ 905,6-ից հասնելով 993 մլրդ դրամի և կկազմեն բոլոր ծախսերի 27,4 %–ը։ Ծախսերը հիմնականում կաճեն ոչ թե թոշակների վճարման հաշվին (այդ ծախսերը կկրճատվեն 1 %–ով և կկազմեն մոտ 347 մլրդ դրամ), այլ կուտակային կենսաթոշակային հաշիվների, պետական վճարումների, թոշակառուների համար քեշբեքի և ԼՂ–ից բռնի տեղահանվածների բնակարանային աջակցության հաշվին։