Հրաժարվելու ենք թմբկահարելուց. ՀՀ բանակը միջազգայնորեն ճանաչված իր տարածքներից դուրս որևէ խնդիր չի ունենալու. Փաշինյան
Պաշտպանունակ բանակ ունենալը մեր ռազմավարական խնդիրն է և վերջին տարիներին բանակում այնպիսի բարեփոխումներ ու զարգացումներ են տեղի ունեցել, որոնք աննախադեպ են ոչ միայն ծավալով, այլև բովանդակությամբ: Այս մասին Քաղաքացիական պայմանագիր» կուսակցության 7-րդ համաժողովում ասել է ՀՀ վարչապետ Նիկոլ Փաշինյանը:
«Բանակի բարեփոխումների ռազմավարության մեր կարևորագույն նորություններից մեկն այն է, որ մենք որոշել ենք հրաժարվել թմբկահարելու երբեմնի տրամաբանությունից: Հայաստանի Հանրապետության բանակը զարգանում է լուռ և հետևողականորեն, բայց ռազմավարական, քաղաքական մակարդակում մենք պետք է հստակ արձանագրենք, թե ինչ նպատակի համար է մեզ հարկավոր բանակը, քաղաքական ինչ խնդիր լուծելու համար է դա պետք: Եվ այստեղ էլ մենք հենվում ենք «Իրական Հայաստանի» գաղափարախոսության վրա»,-նշել է նա:
Փաշինյանը հիշեցրել է «Իրական Հայաստանի» գաղափարախոսությունը:
«Մեզ համար հայրենիքը Հայաստանի Հանրապետությունն է՝ իր միջազգայնորեն ճանաչված սահմաններով, որի քաղաքական, այժմ արդեն իրավական արտահայտումը 1991 թվականի Ալմա-Աթայի հռչակագիրն է: Մենք պետք է հստակ արձանագրենք, որ այսօր և երբևէ ՀՀ-ի բանակը միջազգայնորեն ճանաչված իր տարածքներից դուրս որևէ խնդիր չունի և չի ունենալու»,-ընդգծել է վարչապետը:
Latest from Live24
- Արարատ Միրզոյանը Լյուքսեմբուրգ է մեկնում․ ծրագրված են երկկողմ հանդիպումներ
- Նապոլեոն III-ի կնոջ կոտրված թագը հայտնաբերվել է Լուվրի մոտ՝ թանգարանը թшլшնելուց հետո
- Լուվրը փակ է․ թանգարանից զարդեր են գողացել
- Որո՞նք են «ամենադժբախտ մասնագիտությունները»
- Տարադրամի փոխարժեքները հոկտեմբերի 19-ին
- Գողություն՝ «Եվրոբազա» ընկերությունից․ կոտրել են պատուհանը, ապա չհրկիզվող պահարանն ու այնտեղից տարել 13 միլիոն դրամ
- ԱՄՆ քաղաքներում զանգվածային ցույցեր են ընդդեմ Թրամփի. «Թագավորներ չկան»
- ԱՄՆ քաղաքներում զանգվածային ցույցեր են ընդդեմ Թրամփի. «Թագավորներ չկան»
Լրահոս
Ֆոտո
