Գիտնականները ակտիվության նշաններ են գրանցել Իրանի հարավ-արևելքում գտնվող Թաֆթան հրաբխի վրա, որը 710,000 տարի համարվում էր հանգած: Ուսումնասիրությունը պարզել է, որ հրաբխի գագաթը 2023-ից 2024 թվականներին՝ ընդամենը 10 ամսվա ընթացքում բարձրացել է 3.5 դյույմով (մոտ 9 սանտիմետր):
Այս մասին հաղորդում է Daily Mail-ը:

Ուսումնասիրության գլխավոր հեղինակ, հրաբխագետ Պաբլո Գոնսալեսը նշել է, որ Տաֆտանը պետք է համարել քնած հրաբուխ, այլ ոչ թե հանգած։ Նրա խոսքով՝ ստորգետնյա ճնշումը շարունակում է աճել և կարող է հանգեցնել ապագայում էներգիայի արտանետման:

Գիտնականները նշում են, որ հրաբխի արտահոսքերից օրական արտանետվում է մոտ 20 տոննա ծծմբի երկօքսիդ, ինչպես նաև ջրային գոլորշի, ջրածնի սուլֆիդ և ջրածնի ֆտորիդ։ Չնայած մտահոգիչ թվերին՝ Գոնսալեսը նշել է, որ անխուսափելի ժայթքման նշաններ չկան։ 

«Սա խուճապի պատճառ չէ, այլ ազդանշան է Իրանի իշխանություններին՝ ավելի մեծ ուշադրություն դարձնել Թաֆթանի մոնիթորինգին»,- ասել է նա: