ՆԱՏՕ-Ուկրաինա խորհրդի նիստը տեղի է ունեցել Կիևի ուղղությամբ Ռուսաստանի հարվածից հետո
Բրյուսելում տեղի է ունեցել ՆԱՏՕ-Ուկրաինա խորհրդի արտահերթ նիստ՝ քաղաքական խորհրդականների մակարդակով։ Նիստը գումարվել է Ուկրաինայի խնդրանքով` Ռուսաստանի կողմից Կիևի և Ուկրաինայի այլ քաղաքների ուղղությամբ զանգվածային հարվածներից հետո։ Այդ մասին տեղեկացնում է Deutsche Welle-ն։
Ուկրաինայի արտաքին գործերի նախարար Անդրեյ Սիբիհան հանդիպումից առաջ X սոցիալական ցանցում գրել էր. «Մենք ակնկալում ենք համատեղ քայլերի նպատակային քննարկում՝ Ռուսաստանի կողմից խաղաղության ջանքեր գործադրելուց հրաժարվելուն և ուկրաինացիների դեմ ահաբեկչության սրմանը համարժեք արձագանքելու համար»։
Սիբիհան իր երախտագիտությունն է հայտնել ՆԱՏՕ-ին և բոլոր դաշնակիցներին, որոնք շարունակում են վճռական աջակցություն ցուցաբերել Ուկրաինային և իմաստալից խաղաղության ջանքերին։
ՆԱՏՕ-ում երկրների մշտական ներկայացուցչությունների քաղաքական խորհրդականները սովորաբար որոշումներ չեն կայացնում նման հանդիպումների ժամանակ, այլ քննարկում են մանրամասները, համաձայնեցնում դիրքորոշումները և պատրաստում փաստաթղթերի տեքստերը: Չնայած Ուկրաինան դեռ Հյուսիսատլանտյան դաշինքի անդամ չէ, բայցևայնպես սերտորեն համակարգում է իր անվտանգության գործունեությունը կազմակերպության հետ:
Latest from Live24
- Իրանը հավանություն է տվել Հայաստանի և Ադրբեջանի միջև Վաշինգտոնում կնքված համաձայնագրին. Փեզեշքիանը Էրդողանին
- Փոփոխություն՝ փոխհատուցվող դեղերի էլեկտրոնային դեղատոմսերի գրման և բաց թողնման կարգում
- Էրդողանն ու Իրանի նախագահը քննարկել են Հարավային Կովկասում «խաղաղության գործընթացը»
- Զելենսկին Փարիզում կմասնակցի Եվրոպայի առաջնորդների հանդիպմանը
- Իրանը թույլատրել է ԱԷՄԳ-ի երկու տեսուչների մուտքը երկիր
- Ալիևի բառապաշարը չի արտացոլում վաշինգտոնյան համաձայնությունները. Փաշինյան
- Հնդկաստանը կրկին արգելափակել է Ադրբեջանի՝ ՇՀԿ–ին անդամակցելու հայտը
- Սևանի հոգեբուժարանի բժիշկը կաշառք է վերցրել բանակից ազատելու ախտորոշման համար
Լրահոս
Ֆոտո
