Թուրքիայի էներգետիկայի և բնական պաշարների նախարար Ալփարսլան Բայրաքթարը մասնակցել է «Թուրքիայի էներգետիկան» խորգրով պանելային քննարկմանը։ Նա նշել է, որ աշխատանքներ են տարվում, որպեսզի Թուրքիան ազատվի արտաքին էներգետիկ կախվախությունից։ Այս մասին տեղեկացնում է ermenihaber.am-ը։

Անդրադառնալով վերականգնվող էներգիային՝ Բայրաքթարը նշել է, որ Թուրքիան վերականգնվող էներգիայի ցուցանիշներով աշխարհում 11-րդն է։

Ըստ նախարարի՝ Թուրքիան դարձել է մի երկիր, որը տնային տնտեսությունների համար անհրաժեշտ ողջ էլեկտրաէներգիան արտադրում է արևային և քամու էներգիայից։

Իսկ Մերսինում գտնվող Աքքույու ատոմակայանի վերաբերյալ նախարարը նշել է, որ շինարարությունը դեռևս շարունակվում է, ապա հավելել, որ Թուրքիայի նպատակն է միջուկային լիգայի մաս կազմել։