Մոսկվան Իրանի հայտարարություններում տեսնում է տարբեր նրբերանգներ և շեշտադրումներ. ՌԴ ԱԳՆ-ն՝ ԱՄՆ-ում հայ-ադրբեջանական պայմանավորվածությունների մասին
ՌԴ-ն ուշադիր ուսումնասիրել և ծանոթացել է Իրանի ղեկավարության արտաքին քաղաքական գերատեսչության ներկայացուցիչների հայտարարություններին՝ կապված օգոստոսի 8-ին Վաշինգտոնում Հայաստանի, Ադրբեջանի և ԱՄՆ առաջնորդների հանդիպման արդյունքների հետ. այս մասին ճեպազրույցում ասել է ՌԴ ԱԳՆ տեղեկատվության և մամուլի դեպարտամենտի փոխտնօրեն Ալեքսեյ Ֆադեևը։
Ֆադեևն ընդգծել է, որ Մոսկվան այդ հայտարարություններում և ձևակերպումներում տեսնում է տարբեր նրբերանգներ և շեշտադրումներ, և իրանցի գործընկերների հետ կանոնավոր շփումներում մշտապես կարևոր ուշադրություն է դարձում Հարավային Կովկասում կայունության և անվտանգության հարցերին: Դիվանագետի խոսքով՝ նրանք դա շատ լավ գիտեն և մեր գերատեսչությունների միջև սերտ համակարգումը շարունակվում է:
«Տարածաշրջանի խնդիրների լուծման լավագույն տարբերակը տարածաշրջանի երկրների կողմից մշակված լուծումների որոնումն ու իրականացումն է՝ իրենց անմիջական հարևանների աջակցությամբ: Կողմնակի խաղացողների ներգրավումը պետք է միայն նպաստի խաղաղության օրակարգի ամրապնդմանը, բայց չստեղծի հավելյալ բարդություններ և բաժանարար գծեր»,- հավելել է Ֆադեևը:
Latest from Live24
- Թրամփը մեղադրել է Սի Ծինփինին, Պուտինին և Կիմ Չեն Ընին «ԱՄՆ-ի դեմ դավեր նյութելու» համար
- ՀՀ ԱԽ քարտուղարն աշխատանքային այցով կմեկնի Փարիզ
- Ռուսաստանը 500-ից ավելի ԱԹՍ-ներով զանգվածային հարված է հասցրել Ուկրաինային
- Սաակաշվիլիին սպառնում է ցմահ ազատազրկում
- Մակրոնը զգուշացրել է Իսրայելին զերծ մնալ Պաղեստինի Պետության ճանաչման շարժումը կանգնեցնելու ցանկացած փորձից
- Մեծ Բրիտանիայի պաշտպանության նախարարը ժամանել է Կիև
- Լավրովը հայտարարել է ՌԴ-ի և Ուկրաինայի անվտանգության երաշխիքների նոր համակարգ ձևավորելու անհրաժեշտության մասին
- Ստամբուլի օդանավակայանը դարձել է Եվրոպայի ամենածանրաբեռնված օդանավակայանը
Լրահոս
Ֆոտո
