Իրանի Միջազգային հարաբերությունների ռազմավարական խորհրդի քարտուղար Ալի Բաղերի Քանին հայտարարել է, որ «Զանգեզուրի միջանցքը» ունի աշխարհաքաղաքական հետևանքներ, և Իրանն այն «պարզապես չի անտեսի», հաղորդում է Pars Today։
Նա հավելել է․ «Սա, անկասկած, կունենա աշխարհաքաղաքական հետևանքներ։ Ահա թե ինչու Թեհրանը պաշտոնապես հայտարարում է, որ այս հարցը հեշտ չէ անտեսել, և Իրանի համար կարևոր է ստեղծել այնպիսի պայմաններ, որոնք կապահովեն կայունություն, զարգացում և առաջընթաց Իրանի Իսլամական Հանրապետության սահմաններում, ինչպես նաև պայմաններ Իրանի և նրա հարևանների համապարփակ համագործակցության համար։
Այն փաստը, որ օտարերկրացիները, հատկապես ԱՄՆ-ն, ձգտում են ներթափանցել տարածաշրջան և ապահովել իրենց շահերը՝ տարածաշրջանի երկրների շահերի հաշվին, անկասկած, անընդունելի է թե՛ Իրանի, թե՛ տարածաշրջանի երկրների և ժողովուրդների համար»։