ՄԱԿ-ի խաղաղապահները Լիբանանի հարավում՝ Իսրայելի սահմանների մոտ, հայտնաբերել են ստորգետնյա թունելների ընդարձակ ցանց: Այս մասին հայտարարել է Հարավային Լիբանանում ՄԱԿ-ի խաղաղապահ ուժերի (UNIFIL) պաշտոնական ներկայացուցիչ Անդրեա Տենենտին։
«ՄԱԿ-ի անվտանգության խորհրդի թիվ 1701 բանաձևով սահմանված մեր գործունեության շրջանակում և լիբանանյան բանակի հետ սերտ համակարգմամբ UNIFIL-ի ուժերը հայտնաբերել են թունելների ցանց Թեյր Հարֆա, Զաբկին և Նակուրա բնակավայրերի մերձակայքում», - ասվում է Տենենտիի հայտարարության մեջ:
Նա հստակեցրել է, որ թունելներում հայտնաբերվել են թաքստոցներ, հրետանային և հրթիռային կայանքներ, հարյուրավոր արկեր և հրթիռներ, հակահետևակային և հակատանկային ականներ, ինչպես նաև այլ պայթուցիկ սարքեր:
Լիբանանի իշխանությունները բազմիցս նշել են, որ չնայած հրադադարի մասին համաձայնագրին՝ Իսրայելը շարունակում է համակարգված կերպով խախտել հանրապետության ինքնիշխանությունը: Իսրայելի զինված ուժերը շարունակում են գտնվել Լիբանանի հինգ ռազմավարական կետերում, այդ թվում՝ Գաջար գյուղի հյուսիսային հատվածում:
Իսրայելական բանակը հայտարարում է, որ հարվածները հասցվում են «Հզբոլլահի» ռազմական ենթակառուցվածքներին՝ այդ շարժման մարտական թևի ղեկավար կազմին չեզոքացնելու նպատակով:
Latest from Live24
- Ադրբեջանի հետ հաղորդակցությունների բացման հարցերով հանձնաժողովի անդամ է նաև Արարատ Միրզոյանի կինը
- ԱՄՆ ՊՆ-ն կոչ է արել երկիրը նախապատրաստել պատերազմի․ CNN
- Էրդողանի՝ Երևան այցելելու վերաբերյալ որևէ կոնկրետ տեղեկություն չկա. Թուրքիայի նախագահի աշխատակազմ
- «Զանգեզուրի միջանցքը» կարող է փոխել Եվրասիայի տրանսպորտային քարտեզը. Հաջիև
- Հայաստանը դարձել է Լատինական Ամերիկայի ինտեգրման ասոցիացիայի դիտորդ պետություն. ԱԳՆ
- Իսրայելական բանակը ռմբակոծել է Գազայի հատվածի մի քանի շրջաններ
- Թшկարդում արգելափակված արջի քոթոթը փրկվել և տեղափոխվել է փրկարար կենտրոն. ԲԸՏՄ
- «Արծվի թևեր»-ի հարևանությամբ բախվել են «Toyota Land Cruiser»-ն ու «Opel Zafira»-ն. կա 5 վիրավոր
Լրահոս
Ֆոտո
