Ադրբեջանի ԱԳՆ-ն մեղադրել է Իրանին այն բանի համար, որ վերջինս հրաժարվում է ադրբեջանական դիվանագիտական ներկայացուցչություններին տեղեկատվություն տրամադրել ձերբակալված և կալանավորված Ադրբեջանի քաղաքացիների մեծամասնության մասին։ 

«Ադրբեջանի քաղաքացիներին շատ դեպքերում թույլ չեն տալիս հանդիպել և հեռախոսային կապ հաստատել դիվանագետների և ընտանիքի անդամների հետ, ինչպես նաև դիմումներ ներկայացնել՝ պատժի մնացած մասն Ադրբեջանում կրելու համար», - նշել են գերատեսչությունում, հայտնում են տեղական լրատվամիջոցները։

Բաքվում փորձել են հավաստիացնել, որ ադրբեջանական բանտերում Իրանի քաղաքացիների իրավունքները պաշտպանվում են։