Չեչնիայի նախագահ Ռամզան Կադիրովը քիչ է մնացել խեղդվի Մուղլա նահանգի Բոդրում քաղաքում հանգստանալիս։ Նրան շտապօգնության մեքենայով տեղափոխել են հիվանդանոց։ Կադիրովի վիճակը գնահատվում է կայուն, հաղորդում է Haberler-ը։

Լրատվամիջոցի տեղեկություններով՝ միջադեպը տեղի է ունեցել Բոդրումի Քայնար շրջանի հինգաստղանի հյուրանոցում կեսօրին։ Ռամզան Կադիրովը ջուրն է մտել և հանկարծ սկսել խեղդվել։

Մոտակա աշխատակիցները բժիշկների խումբ են կանչել։ Նրան օգնություն են ցուցաբերել և տեղափոխել մասնավոր հիվանդանոց։

Haberler–ի տվյալներով՝ հիվանդանոցում բուժօգնություն ստացած Կադիրովի վիճակը գնահատվում է որպես լավ։ Նրա կյանքին վտանգ չի սպառնում։

Նշենք, որ այս տեղեկությունը պաշտոնապես դեռ չի հաստատվել, կամ հերքվել։