Պուտինը ժամանել է Մինսկ՝ Եվրասիական տնտեսական ֆորումին մասնակցելու համար
Ռուսաստանի նախագահ Վլադիմիր Պուտինը ժամանել է Բելառուսի մայրաքաղաք, որտեղ կմասնակցի Եվրասիական տնտեսական ֆորումին և Եվրասիական տնտեսական բարձրագույն խորհրդի նիստին։
Ռուսական պետության ղեկավարին օդանավակայանում դիմավորել են Բելառուսի վարչապետ Ալեքսանդր Տուրչինը և Հանրապետության փոխարտգործնախարար Պավել Ուտյուպինը, իսկ ռուսական կողմից՝ Բելառուսում Ռուսաստանի դեսպան Բորիս Գրիզլովը։
շՄիջոցառումներին կմասնակցեն նաև Բելառուսի նախագահ Ալեքսանդր Լուկաշենկոն, Ղազախստանի նախագահ Կասիմ-Ժոմարտ Տոկաևը, Ղրղզստանի նախագահ Սադիր Ժապարովը և Հայաստանի վարչապետ Նիկոլ Փաշինյանը, որը կմիանա տեսակապի միջոցով։ Իրանի նախագահ Մասուդ Փեզեշքիանը չի մեկնի Մինսկում անցկացվելիք գագաթնաժողովին և տեսաուղերձ կուղարկի:
Եվրասիական տնտեսական ֆորումը տեղի կունենա հունիսի 26-ին։ Ակնկալվում է, որ Ռուսաստանի առաջնորդը կգնահատի ԵԱՏՄ-ի դերը նոր բազմաբևեռ ճարտարապետության ձևավորման գործում և միության ու գլոբալ ու տարածաշրջանային ֆինանսական ենթակառուցվածքների միջև համագործակցության հեռանկարները։
Եվրասիական բարձրագույն տնտեսական խորհրդի նիստը տեղի կունենա ուրբաթ՝ հունիսի 27-ին, և կլինի այս տարվա առաջինը։
Գագաթնաժողովից հետո նախատեսվում է ստորագրել տասը փաստաթուղթ։ Ի թիվս այլ բաների, կողմերը մտադիր են հաստատել սպորտի ոլորտում համագործակցության հիմնական ուղղությունները, ինչպես նաև ստորագրել տնտեսական գործընկերության համաձայնագիր Արաբական Միացյալ Էմիրությունների և ժամանակավոր առևտրային համաձայնագիր Մոնղոլիայի հետ։
Latest from Live24
- Եվրոպան երբեք չի լքի Ուկրաինային. Մակրոն
- Նոր մաքսատուրքերն ուժի մեջ կմտնեն օգոստոսի 1-ից
- ԱՄՆ-ը վերսկսել է զենքի և ռազմական տեխնիկայի մատակարարումները Ուկրաինային. Թրամփ
- Իրանը պատրաստ է միջուկային համաձայնագրի բանակցություններին, բայց ԱՄՆ-ն պետք է իրական հետաքրքրություն ցուցաբերի. Արաղչի
- Արայիկ Նորոյանը նշանակվել է Ղազախստանում ՀՀ ռազմական կցորդ
- Դավիթ Մանուչարյանը նոր պաշտոնի է նշանակվել
- ՀՀ նախագահը ստորագրել է ՀԷՑ-ի պետականացման նպատակով ընդունված օրենքները
- ԱՄՆ-ը նախատեսում է մինչև տարեվերջ մաքսատուրքերից ավելի քան 300 միլիարդ դոլարի եկամուտ հավաքել
Լրահոս
Ֆոտո
