Թրամփը մեղադրել է Սի Ծինփինին, Պուտինին և Կիմ Չեն Ընին «ԱՄՆ-ի դեմ դավեր նյութելու» համար
ԱՄՆ նախագահ Դոնալդ Թրամփը, մեկնաբանելով Պեկինում անցկացվող Երկրորդ համաշխարհային պատերազմում հաղթանակի 80-ամյակի տոնակատարությունը, հայտարարել է, որ Չինաստանի նախագահ Սի Ծինփինը, Ռուսաստանի նախագահ Վլադիմիր Պուտինը և Հյուսիսային Կորեայի առաջնորդ Կիմ Չեն Ընը «դավեր են նյութում ԱՄՆ-ի դեմ»։ «Արմենպրես»-ի փոխանցմամբ՝ այս մասին նա գրել է իր Truth Social հարթակում:
«Թող նախագահ Սին և Չինաստանի հրաշալի ժողովուրդն ունենան հիանալի և անմոռանալի տոնակատարություն։ Խնդրում եմ, իմ ամենաջերմ մաղթանքները փոխանցեք Վլադիմիր Պուտինին և Կիմ Չեն Ընին, մինչ դուք նրանց հետ միասին դավեր եք նյութում Ամերիկայի Միացյալ Նահանգների դեմ», - գրել է Թրամփը։
Սպիտակ տան ղեկավարը նաև հիշեցրել է «Ամերիկայի Միացյալ Նահանգների կողմից Չինաստանին ցուցաբերված «հսկայական աջակցության և «թափված արյան» մասին, որպեսզի նրան օգնի ազատություն ձեռք բերել շատ թշնամական օտարերկրյա զավթիչից»։
«Բազմաթիվ ամերիկացիներ են զոհվել՝ պայքարելով Չինաստանի հաղթանակի և փառքի համար։ Հուսով եմ՝ նրանք իրավամբ կմեծարվեն և կհիշվեն իրենց քաջության ու զոհաբերության համար», - գրել է Թրամփը։
Latest from Live24
- Բաքվում պահվող հայերի շրջանում եղել են ինքնաuպանnւթյան փորձեր. Սիրանուշ Սահակյան
- Ապակու կտոր` Transavia-ի ինքնաթիռի դռան արանքում. Փարիզ-Երևան չվերթի հետքերով. Hetq.am
- Հայաստան-Չինաստան համագործակցությունը զարգանում է բոլոր ուղղություններով. տեղի է ունեցել Փաշինյանի և ՉԺՀ փոխնախագահի հանդիպումը. Տեսանյութ
- Հայտնի է, թե ով ԱԺ-ում կփոխարինի Արեն Մկրտչյանին
- Աշխարհի առաջնորդները այժմ մեկնում են Պեկին, այլ ոչ թե Վաշինգտոն. The Economist
- Վարդան Հարությունյանի փաստաբանական խումբը կդիմի ՄԻԵԴ. հայտարարություն
- «Ադրբեջան» նախագծին զսպելը հնարավոր է միայն «Հայկական հարց» նախագծով․ քաղաքագետ
- Պայթյուն՝ Դամասկոսի միջազգային օդանավակայանի մոտակայքում
Լրահոս
Ֆոտո
