Հայաստանից ներկրված սեզոնային ծաղիկների խոշոր խմբաքանակի մուտքը Վրաստանի տարածք թույլ չեն տվել այն բանից հետո, երբ «բույսերում կարանտինային վնասատու են հայտնաբերել», հայտնում է Новости-Грузия-ն՝ հղում անելով Վրաստանի ֆինանսների նախարարության Եկամուտների ծառայությանը։
Ինչպես հաղորդում է լրատվամիջոցը, խոսքը 10 հազար ծաղկից բաղկացած խմբաքանակի մասին է, որը բուսասանիտարական հսկողություն էր անցնում վրաց-հայկական սահմանի «Սադախլո» անցակետում։
«Սահմանային-կարանտինային հսկողության ընթացքում արձանագրվել են Վրաստանի բուսասանիտարական պահանջներին անհամապատասխանության փաստեր՝ բույսերը վնասված են եղել վնասատուներից», — հայտարարել են գերատեսչությունում։
Կառավարության որոշման համաձայն, «վարակված արտադրանքը ենթակա է պարտադիր վերադարձի արտահանող երկրին»։
Հայաստանը Էկվադորից հետո Վրաստան ծաղիկների խոշորագույն մատակարարն է։ Ըստ «Сакстат»-ի տվյալների՝ 2024 թվականին Հայաստանից ներկրվել է 3,2 մլն դոլարի ծաղիկ։ 2025 թվականի առաջին չորս ամիսներին՝ 1,3 մլն դոլարի։
Իսրայելի վարչապետ Բենիամին Նեթանյահուն առաջին անգամ խոստովանել է, որ իր երկիրը համագործակցում է Գազայի հատվածում ՀԱՄԱՍ շարժման դեմ հանդես եկող պաղեստինյան մի քանի ուժերի հետ: Այս մասին հաղորդում է The Associated Press-ը։
Ինչպես նշում է գործակալությունը, Իսրայելի վարչապետը սոցիալական ցանցերում գրել է, որ երկիրն «ակտիվացրել է աշխատանքը» Գազայի հատվածում ՀԱՄԱՍ-ի դեմ հանդես եկող մի քանի պաղեստինյան կլանների հետ։ Այս հայտարարությունը դարձել է անկլավում գտնվող զինված պաղեստինյան խմբավորումներին Իսրայելի աջակցության առաջին հրապարակային խոստովանությունը։
Միևնույն ժամանակ Նեթանյահուն չի պարզաբանել, թե հատկապես ինչ աջակցություն է Իսրայելը ցուցաբերում այդ կլաններին, և նրանք կոնկրետ ինչ դեր են խաղալու։ Նա ասել է, որ կառավարությունը համագործակցության շուրջ որոշում է ընդունել «անվտանգության ծառայության աշխատակիցների» խորհրդով՝ իսրայելցի զինվորների կյանքը փրկելու համար։
Իսրայելցի մի պաշտոնյա գաղտնիության պայմանով AP-ին հայտնել է, որ Իսրայելի առաջնորդի հայտարարության մեջ խոսքն, այսպես կոչված, «Ժողովրդական ուժերի» մասին է, որոնք գլխավորում է Յասեր Աբու Շաբաբը։ Այս զինված պաղեստինյան խմբավորումը գործում է Գազայի հատվածի հարավային մասում, առավելապես Ռաֆահ քաղաքի շրջանում։ Խմբի անդամները հրապարակավ հայտարարում են, որ իրենց առաքելությունն են համարում են իրենց վերահսկողության տակ գտնվող տարածքներ մարդասիրական օգնության մատակարարումների անվտանգության ապահովումը։
ՀՀ վարչապետ Նիկոլ Փաշինյանն Ադրբեջանին շնորհավորել է Կուրբան Բայրամի կապակցությամբ։ Նա գրառում է արել X սոցիալական ցանցում։
«Շնորհավորում եմ Ադրբեջանի Հանրապետությանը և ադրբեջանական ժողովրդին Կուրբան Բայրամի կապակցությամբ։ Մեր երկրներին ու ժողովուրդներին մաղթում եմ խաղաղություն և բարգավաճում»,– գրել է նա։
Հիշեցնենք` Փաշինյանը երեկ` հունիսի 5-ին, Կուրբան Բայրամ տոնի առթիվ շնորհավորել էր նաև Թուրքիայի նախագահ Ռեջեփ Թայիփ Էրդողանին։
Congratulations to the Republic of Azerbaijan and the people of Azerbaijan on the occasion of Kurban Bayram. Wishing peace and prosperity to our countries and peoples.
— Nikol Pashinyan (@NikolPashinyan) June 6, 2025
Հայաստանի կառավարությունը նախատեսում է կենսաթոշակների բարձրացման քաղաքականություն իրականացնել հետվճարային մեխանիզմների ընդլայնման հաշվին։ Այս մասին հունիսի 6-ին խորհրդարանական մշտական հանձնաժողովների համատեղ նիստերում «Հայաստանի Հանրապետության 2024 թվականի պետական բյուջեի կատարման մասին» տարեկան հաշվետվության քննարկման ժամանակ հայտարարել է հանրապետության աշխատանքի և սոցիալական հարցերի նախարար Նարեկ Մկրտչյանը։
Ըստ նրա, պարենային զամբյուղի և պետական ծրագրով սահմանված նվազագույն կենսաթոշակի չափի հարաբերակցությունը գերազանցում է 9,3%-ի նշագիծը։ Եվ սա՝ առանց անկանխիկ հաշվարկների դեպքում հետվճարային համակարգի հաշվառման։
Ավելին, ինչպես նշել է նախարարը, այս ծրագրի շահառուների թիվը մշտապես աճել է։ Ընդ որում, չնայած ի սկզբանե առկա թերահավատությանը։
«Կառավարության նպատակն այժմ հետվճարային ինստիտուտի զարգացումն է։ Կենսաթոշակների բարձրացումը, ի թիվս այլոց, նախատեսվում է իրականացնել նաև այս մեխանիզմի կիրառման հաշվին։ Քեշբեքի տոկոսն արդեն 10-ից դարձել է 12%։ Մենք կփորձենք բարձրացնել կենսաթոշակները՝ շրջանառության մեջ դնելով հետվճարային մեխանիզմը։ Նաև նոր խթաններ կներդրվեն շահառուների թիվն ավելացնելու համար։ Այսպես, 2025 թվականի ապրիլի տվյալներով, մենք արդեն ունենք ավելի քան 321 հազար շահառու։ Ընդգրկվածությունը կազմել է շուրջ 60%։ Մենք հույս ունենք ապահովել առավելագույն ներգրավվածություն արդեն մինչև ընթացիկ տարվա վերջ», - ասել է Մկրտչյանը։
Հեղինակավոր The Washington Post պարբերականը հաղորդում է, որ Ուկրաինայի հատուկ ծառայությունները պատրաստվում են «Սարդոստայն» գործողության պես բարդ այլ գործողություն։
Պարբերականը, հղում անելով հետախուզության աղբյուրներին, գրում է, որ Թրամփի՝ խաղաղարարի դերից հեռանալուց հետո Ուկրաինան ավելի քան երբևէ կախված է սեփական հետախուզական ծառայություններից և ցույց է տվել ՌԴ-ի խորքերին լուրջ հարվածներ հասցնելու ունակությունը:
Նյութում ասվում է, որ կողմերը վաղուց էին ցանկանում հյուծման պատերազմում դուրս գալ փակուղուց, իսկ հաջողված «Սարդոստայն» գործողությունը Ուկրաինայի համարձակ քայլն էր՝ «վերբեռնելու» բանակցությունները։
«Բարսելոնայի» բրազիլացի հարձակվող Ռաֆինյան ճանաչվել է Իսպանիայի Լա Լիգայի 2024/25 մրցաշրջանի լավագույն ֆուտբոլիստ։
ա լիգայի ավարտված առաջնությունում 28-ամյա խաղացողը կատալոնական ակումբի կազմում մասնակցել է 36 հանդիպման, խփել 18 գոլ և կատարեց 11 գոլային փոխանցում։
Ռաֆինյայի առաջնորդությամբ «Բարսելոնան» առաջնությունն ավարտել է մրցաշարային աղյուսակի գագաթին՝ նվաճելով Իսպանիայի չեմպիոնի տիտղոսը պատմության մեջ 28-րդ անգամ։
Ամերիկյան Tesla-ի բաժնետոմսերի անկման պատճառով ընկերության սեփականատեր և գործադիր տնօրեն Իլոն Մասկը մեկ օրում կորցրել է 34 միլիարդ դոլար՝ ԱՄՆ նախագահ Դոնալդ Թրամփի հետ վեճից հետո, հայտնում է Bloomberg-ը։ Սա Bloomberg Billionaires Index-ի կողմից գրանցված երկրորդ ամենամեծ կորուստն է մոլորակի 500 ամենահարուստ մարդկանց ցուցակում։ Մյուս՝ ավելի մեծ կորուստը նույնպես Մասկինն է՝ 2021 թվականի նոյեմբերին։ Էլեկտրական մեքենաների արտադրող Tesla ընկերության կապիտալիզացիան մեկ օրում նվազել է 150 միլիարդ դոլարով։
Հունիսի 5-ին NASDAQ բորսայում սակարկությունների ժամանակ ընկերության բաժնետոմսերը նվազել են 14,26%-ով՝ հասնելով մեկ բաժնետոմսի համար 284,7 դոլարի, իսկ էլեկտրական մեքենաներ արտադրողի շուկայական արժեքը կրճատվել 915,75 միլիարդ դոլարի։
Tesla-ի բաժնետոմսերը NASDAQ բորսայում երեկոյան առևտրի ժամանակ վերականգնել են իրենց կորուստների մի փոքր մասը` գինը բարձրացել է 0,8%-ով՝ հասնելով մեկ բաժնետոմսի համար 286,9 դոլարի։
Իլոն Մասկի անձնական կարողությունը մեկ օրում նվազել է 33,9 միլիարդ դոլարով։ Չնայած կորուստներին՝ Մասկը նախկինի պես զբաղեցնում է առաջին տեղը աշխարհի ամենահարուստ մարդկանց ցուցակում 335 միլիարդ դոլար կարողությամբ՝ ըստ Bloomberg Billionaires Index-ի։Axios-ի տվյալներով՝ ԱՄՆ նախագահ Դոնալդ Թրամփի անձնական կարողությունը սկանդալի հետևանքով կրճատվել է մոտ 1 միլիարդ դոլարով։ Trump Media & Technology Group-ի 8% անկումը ԱՄՆ նախագահին արժեցել է մոտ 202 միլիոն դոլար։ Թրամփի եկամտի համար ավելի մեծ հարվածը նրա պաշտոնական meme coin-ի մոտ 10%-ով անկումն է, որը նրան կարող է արժենալ գրեթե 900 միլիոն դոլար։
Կայացել է վարչապետ Նիկոլ Փաշինյանի և Իրանի Իսլամական Հանրապետության նախագահ Մասուդ Փեզեշքյանի հեռախոսազրույցը։
Վարչապետ Փաշինյանը շնորհավորել է նախագահ Մասուդ Փեզեշքյանին Զոհաբերության տոնի՝ Էյդ-է Ղորբանի առիթով։
Զրուցակիցները քննարկել են Հայաստան-Իրան հարաբերությունների օրակարգային, ինչպես նաև տարածաշրջանային անվտանգությանն առնչվող հարցեր։
Վարչապետ Նիկոլ Փաշինյանի ֆեյսբուքյան գրառումը․ ««Հրապարակ» թերթին անպայման դատի կտամ, որ ապացուցվի, որ ընտանեկան և հոգևոր կյանքը ինձ համար արժեք ու սկզբունք են և ոչ թե մարդկանց մոլորեցնելու միջոց։
Այս առիթով նաև պնդում եմ, որ Գարեգին Բ կաթողիկոսը խախտել է կուսակրոնության ուխտը և զավակ ունի։
Թող Գարեգին Բ-ն էլ ինձ դատի տա հայտարարված արժեքներին և Կաթողիկոսի կարգավիճակին իր համապատասխանելիությունը ապացուցելու համար։
Հ․Գ․ Հայ առաքելական եկեղեցին մեր սրբությունն է, մեր ինքնությունը։ Չպիտի այլեւս հանդուրժենք այդ սրբությունը պղծողներին»։
Նշենք, որ «Հրապարակ»-ն այսօր «Փաշինյանը դավաճանո՞ւմ է արդյոք կնոջը» վերտառությամբ հոդված էր հրապարակել՝ գրելով․ «Երկրի առաջնորդը պետք է համապատասխանի պահանջների լայն շրջանակի` օրինակ՝ լինի գրագետ, խելացի, շրջահայաց և բարոյական:
Այդ իսկ պատճառով դավաճանում է նա կնոջը թե չէ՝ շատ կարևոր է պարզել։ Մի քանի տարի առաջ լուրեր էին պտտվում, որ Փաշինյանը ժամերով աշխատասենյակում փակվում է սեփական խոսնակի հետ և ներսից տարօրինակ ձայներ են գալիս: Կասեք՝ սա ի՞նչ բամբասանք է, ինչու՞ է լրատվամիջոցը իրեն իրավունք վերապահում նման անհիմն և մերկապարանոց հայտարարություններ անել։ Իհարկե, մենք նման բան չէինք հրապարակի, եթե չլիներ երկրի ղեկավարի արշավը Վեհափառ հայրապետի դեմ, բայց, եթե թիվ մեկ պաշտոնյան կարող է ասել՝ «այսպիսի լուրեր են պտտվում, թող Կաթողիկոսը հերքի», մենք էլ կարող ենք նույն հարցադրումը անել: Հիմա համառ լուրեր են պտտվում, որ Դուք դավաճանել եք տիկին Հակոբյանին, նա անգամ զանգել է տվել Ձեր խոսնակին ու պրոտոկոլի միջոցով փոխանցել, որ վարչապետի կողքին քայլելու իրավունք ունի միայն առաջին տիկինը, իսկ խոսնակը անգամ եթե հետը քնում է, պետք է միջոցառումների ժամանակ պատշաճ հեռավորությամբ քայլի՝ իր տեղը իմանալով:
Հետո էլ՝ ըստ օդից կախված լուրերի՝ խոսնակի կողմից պահանջը չկատարելու համար ամեն ինչ արել է, որ իր ամուսինը աշխատանքից ազատի վերջինին: Մեզ այս տեղեկատվությունը հետաքրքիր է միայն վարչապետի անձի բարոյական որակների մասին կարծիք ձևավորելու համար:
Մենք՝ իր ընտրողները, սպասում ենք նրա հրապարակային պարզաբանմանը իր կողմից ամուսնական հավատարմության խախտման վերաբերյալ։
Լռել կամ ստել, նշանակում է յուր անձին դուրս դնել բարոյական նորմերից»։
Վրաստանի ֆիննախարարության եկամուտների ծառայության հաղորդմամբ՝ Հայաստանից ներմուծվող սեզոնային ծաղիկների 10 հազար միավորից բաղկացած խմբաքանակի մուտքը Վրաստան արգելվել է. պատճառը հայտնաբերված վնասատուներն են։
Հաղորդվում է, որ հայ-վրացական սահմանի «Սադախլո» մաքսակետում ծաղիկները ենթարկվել են ֆիտոսանիտարական ստուգման։
Ըստ վրացական կառավարության կարգավորումների՝ վարակված բուսական արտադրանքը ենթակա է վերադարձման արտահանող երկիր։
Հայաստանը Վրաստան ծաղկի հիմնական մատակարարներից է՝ Էկվադորից հետո։
«Սակստատ»-ի տվյալներով՝ 2024 թվականին Հայաստանից Վրաստան է ներմուծվել 3.2 մլն դոլարի ծաղիկ, իսկ 2025 թվականի առաջին չորս ամիսներին՝ 1.3 մլն դոլարի։
Ֆոտո
