Դառը ուտելիքը կարող է կանխել արյան ճնշման բարձրացումը, սիրտ-անոթային հիվանդությունները եւ դիաբետը, ինչպես նաեւ շատ այլ հիվանդություններ։ Միեւնույն ժամանակ, դառը նյութերը պաշտպանում են ազատ ռադիկալների առաջացրած վնասումներից եւ անգամ դանդաղեցնում են բջիջների ծերացման պրոցեսը։

Նոր հետազոտությունը, որին մասնակցել են Չինաստանի Լոհեի մասնագիտական  սննդի ճարտարագիտության համալսարանի մասնագետները, ուսումնասիրել են, թե ինչպես եւ ինչ մեխանիզմներով են դառը նյութերն ազդում մարդու առողջության վրա, գրել է Planet Today-ը։ Արդյունքները, ըստ news.am-ի,  հրապարակվել են։

Այդպիսի դառը նյութեր են հիմնականում ալկալոիդները, պոլիֆենոլները, տերպենոիդները եւ ամինաթթուները, որոնք հանդիպում են, օրինակ, բնական մթերքներում, ինչպիսին են հնդկաձավարը, դառը դդումը, խատուտիկը, հատիկեղենը, ընկույզները եւ սուրճը: Բնական դառը մթերքների օգտագործումը նպաստում է առողջությանը եւ, ըստ ընթացիկ հետազոտության, կարող է օգնել կանխել, օրինակ, հիպերլիպիդեմիան, արյան բարձր ճնշումը եւ հիպերգլիկեմիան:

Դիաբետի դեպքում առողջության համար դառը նյութերի օգտակարության մասին նշվել է նաեւ Դիաբետի դեմ պայքարի գերմանական կազմակերպության մասնագիտացված հոդվածում։

Բացի մարսողական ազդեցությունից, առանձնանում է քաղցի եւ քաղցրավենիքի հանդեպ հակումների նվազումը, ինչը շատ օգտակար է դիաբետի եւ ճարպակալման դեպքում։ Մասնավորապես, դառը դդմի օգտագործումը կարող է նվազեցնել գլյուկոզայի մակարդակը նախադիաբետով հիվանդ մարդկանց մոտ:

Այս պահի դրությամբ Ադրբեջանի Հանրապետության կողմից Հայաստանի Հանրապետությանը չի փոխանցվել ՀՀ բանակի կողմից հրադադարի ռեժիմի խախտման ոչ մի փաստական տվյալ կամ հիմնավորում: Այս մասին հայտարարություն է տարածել ՀՀ վարչապետի աշխատակազմը:

Հայտարարությունում ասվում է. «Ս/թ մարտի 16–ից 18–ն Ադրբեջանի Հանրապետության պաշտպանության նախարարությունը թվով 6 հաղորդագրություն է տարածել Հայաստան–Ադրբեջան սահմանին Հայաստանի բանակի կողմից իբրև թե հրադադարի ռեժիմի խախտումների մասին։

Հայաստանի Հանրապետության պաշտպանության նախարարությունը վերը նշված բոլոր հաղորդագրություններից հետո իրականացրել է ստուգողական աշխատանքներ և ստուգման արդյունքներով հերքել Հայաստանի բանակի կողմից հրադադարի ռեժիմի խախտման մասին պնդումները։

Այդ բոլոր հերքման հաղորդագրություններում ՀՀ պաշտպանության նախարարությունը հիշեցրել է դեռևս 2024 թվականի հունիսի 22–ին Հայաստանի Հանրապետության վարչապետի աշխատակազմի առաջարկը՝ հրադադարի ռեժիմի խախտման դեպքերի և/կամ նման տեղեկությունների հետաքննության Հայաստան-Ադրբեջան համատեղ մեխանիզմ ստեղծելու մասին, որին Ադրբեջանը մինչև օրս դրական չի արձագանքել։

ՀՀ պաշտպանության նախարարության 2025 թվականի մարտի 17–ի հաղորդագրության մեջ արձանագրվել է, որ ՀՀ պաշտպանության նախարարությունը պատրաստ է հետաքննել Ադրբեջանի հաղորդագրությունները հիմնավորող փաստերը՝ դրանք ՀՀ–ին փոխանցելու պարագայում։

Արձանագրում ենք, որ այս պահի դրությամբ Ադրբեջանի Հանրապետության կողմից Հայաստանի Հանրապետությանը չի փոխանցվել ՀՀ բանակի կողմից հրադադարի ռեժիմի խախտման ոչ մի փաստական տվյալ կամ հիմնավորում։

Հայաստանի Հանրապետության վարչապետի աշխատակազմը՝ վերահաստատելով հրադադարի ռեժիմի խախտման դեպքերի և/կամ նման տեղեկությունների հետաքննության Հայաստան-Ադրբեջան համատեղ մեխանիզմ ստեղծելու մասին իր առաջարկը, հայտարարում է, որ ՀՀ բանակը հրադադարի ռեժիմի խախտման պատճառ կամ հրահանգ չունի։

Հայաստանի Հանրապետության Կառավարությունն առաջնորդվում է խաղաղության օրակարգով, ինչի անհերքելի ապացույցն են Հայաստանի Հանրապետության և Ադրբեջանի Հանրապետության միջև խաղաղության և միջպետական հարաբերությունների հաստատման մասին համաձայնագրի տեքստի վերջնականացմանն ուղղված քայլերը։

Խաղաղության համաձայնագրի տեքստի համաձայնեցումը և տեքստի համաձայնեցման շուրջ բանակցությունների ավարտը կարևորագույն քայլ է և Հայաստանի Հանրապետությունն Ադրբեջանի Հանրապետությանը կոչ է անում մեկնարկել խորհրդակցությունները համաձայնագրի ստորագրման տեղի և ժամկետների վերաբերյալ։

Հարկ ենք համարում ընդգծել, որ Համաձայնագրի նախագծի համաձայնեցված տեքստը հասցեագրում է Հայաստանի և Ադրբեջանի միջև խաղաղության և հարաբերությունների հաստատման հիմնարար հարցերը և մեխանիզմներ է նախատեսում հետագա անելիքների քննարկման համար։

Անհրաժեշտ ենք համարում արձանագրել նաև, որ 2025 թվականի հունվարին Հայաստանի Հանրապետությունը գրավոր կերպով Ադրբեջանի Հանրապետությանն է փոխանցել Ադրբեջանի արևմտյան շրջաններից Հայաստանի Հանրապետության տարածքով դեպի ՆԻՀ, հակառակ ուղղությամբ և դեպի երրորդ երկրներ, և Հայաստանի Հանրապետության հյուսիս–արեւմտյան շրջաններից Ադրբեջանի տարածքով դեպի ՀՀ հարավային հատված, հակառակ ուղղությամբ և դեպի երրորդ երկրներ երկաթուղային բեռնափոխադրումների խնդրի լուծման առաջարկ, ինչպես նաև սպառազինությունների փոխադարձ վերահսկման երկկողմ մեխանիզմի ստեղծման մասին առաջարկ և սպասում է Ադրբեջանի դրական արձագանքին։

Միևնույն ժամանակ, վերահաստատում ենք, որ Հայաստանի Հանրապետությունը պատրաստ է շարունակել Ադրբեջանի Հանրապետության հետ պետական սահմանի սահմանազատման աշխատանքները՝ Հայաստանի Հանրապետության և Ադրբեջանի Հանրապետության միջև պետական սահմանի սահմանազատման և սահմանային անվտանգության հարցերով հանձնաժողովի և Ադրբեջանի Հանրապետության և Հայաստանի Հանրապետության միջև պետական սահմանի սահմանազատման պետական հանձնաժողովի համատեղ գործունեության մասին կանոնակարգի համաձայն։

Ծիրանը պարունակում է բազմաթիվ հակաօքսիդանտներ՝ բնական նյութեր, որոնք պաշտպանում են աչքերի եւ մաշկի բջիջները վնասումներից եւ վաղաժամ ծերացումից։ Միրգը նաեւ հարուստ է սննդային մանրաթելերով, որոնք օգտակար են աղիների համար։ Այս մասին Քլիվլենդի կլինիկայի սննդաբան Բեթ Չերվոնին  news.am-ի փոխանցմամբ՝ պատմել է The New York Post պարբերականին։

Բժիշկը նշել է, որ ծիրանը բետա-կարոտինի արժեքավոր աղբյուր է, որն օրգանիզմում վերածվում է А վիտամինի։ Այդ հզոր հակաօքսիդանտն աջակցում է աչքերի առողջությանը, բարելավում տեսողական ֆունկցիան եւ օգնում պաշտպանել աչքերը կապույտ գույնի վնասակար ազդեցությունից։ Հենց բետա-կարոտինն է ծիրանին տալիս վառ նարնջագույն երանգ, որը նման է գազարի գույնին։

Վիտամին А-ն ծիրանի մեջ նպաստում է կոլագենի սպիտակուցի մշակմանը, որն օգնում է հետաձգել կնճիռների գոյացումը։ Բացի այդ, մրգի մեջ ջրի բարձր պարունակությունը (մոտ 85 տոկոս) մաշկը պահում է խոնավ եւ ձիգ։

Ինչպես նշել է դոկտոր Չերվոնին, բջջանյութի՝ օգտակար բուսական մանրաթելերի զգալի մասը պարունակվում է ծիրանի կեղեւում։ Այն սնուցում է օգտակար մանրէներն աղիներում, օգնում վերահսկել քաշը եւ ավելի երկար պահպանել կուշտ լինելու զգացողությունը։ Օրգանիզմը բջջանյութով հագեցնելու համար ծիրանը կարելի է օգտագործել չորացված ձեւով, ծիրանաչիրը պարունակում է մոտ երեք անգամ ավելի շատ սննդային մանրաթելեր, քան թարմ միրգը։ Սակայն արժե հաշվի առնել, որ շաքարը չորացված մրգերում նույնպես շատ ավելին է։

Սննդաբանն ավելացրել է, որ ծիրանի մեջ պարունակվող հակաօքսիդանտները չեզոքացնում են ազատ ռադիկալները։ Այդպես են անվանում անկայուն մոլեկուլները, որոնք կարող են վնասել բջիջները եւ առաջ բերել թթվային սթրես՝ կապված քրոնիկական հիվանդությունների առաջացման հետ։ Ծիրանի հակաօքսիդանտներն օգնում են նաեւ թուլացնել բորբոքային պրոցեսներն աղիներում։

Առավոտյան ես նախագահ Պուտինի հետ կխոսեմ Ուկրաինայի պատերազմի մասին։

Այս մասին սոցցանցում գրել է ԱՄՆ նախագահ Դոնալդ Թրամփը։

«Վերջնական համաձայնագրի շատ տարրեր համաձայնեցված են, բայց դեռ շատ բան կա անելու։ Հազարավոր երիտասարդ զինվորներ են մահանում.

Երկու կողմից ամեն շաբաթ 2500 զինվոր է մահանում, և դա պետք է դադարեցվի ՀԻՄԱ։

Անհամբերությամբ սպասում եմ նախագահ Պուտինի հետ հեռախոսազրույցին»,- ասել է նա։

Արևմուտքից ներթափանցող ակտիվ ցիկլոնի գործունեությամբ պայմանավորված՝ այսօր երեկոյան ժամերից, մարտի 19-23-ին հանրապետության գրեթե ողջ տարածքում ժամանակ առ ժամանակ սպասվում են տեղումներ, լեռնային գոտիներում թաց ձյան, իսկ նախալեռնային և հովտային շրջաններում՝ անձրևի տեսքով։

Այս մասին տեղեկացնում է Հիդրոօդերևութաբանության և մոնիթորինգի կենտրոնը։

Առանձին հատվածներում տեղումները կլինեն հորդառատ և կուղեկցվեն ամպրոպներով։

Մարտի 19-23-ին մի շարք շրջաններում կանխատեսվում է ամսական նորմայի չափ տեղում։

«Հայաստանի էլեկտրական ցանցեր» փակ բաժնետիրական ընկերությունը տեղեկացնում է, որ մարտի 18-ին պլանային նորոգման աշխատանքներ իրականացնելու նպատակով ժամանակավորապես կդադարեցվի հետևյալ հասցեների էլեկտրամատակարարումը`

Երևան քաղաք՝

10։00-16:00 Արշակունյաց պող․ 65 շենք, Ս․Տարոնցի փ․ 3/1, 7, 7/1, 7/2, 7/3 շենքեր և հարակից ոչ բնակիչ-բաժանորդներ, Արագածի փ․ 93, 93ա շենքեր,Կողբի 1 և 2 փողոցների առանձնատներ, Արագածի, Ղարիբջանյան փողոցների առանձնատներ և հարակից ոչ բնակիչ-բաժանորդներ,

11։00-17:00 Իսահակյան փ. 2, 7, 8, 10, 12 շենքեր, Նալբանդյան փ. 45, 47, 49 51, 55, 59 շենքեր, Կորյունի փ. 1, 3 շենքեր և հարակից ոչ բնակիչ-բաժանորդներ, Կենտրոն վարչական շրջանի շենք միակողմանի և հարակից ոչ բնակիչ-բաժանորդներ, Տիգրան Մեծի պող. 27, 27ա, 29, 29ա շենքեր և հարակից ոչ բնակիչ-բաժանորդներ, Տիգրան Մեծի պող. 23-31 շենքեր, Արհեստավորների փ. 5-118 առանձնատներ, Արհեստավորների փ. 3-14 առանձնատներ և հարակից ոչ բնակիչ-բաժանորդներ, Գրողներ փ. 1, 3 առանձնատներ, Կորի փ. 12, 16 առանձնատներ և հարակից ոչ բնակիչ-բաժանորդներ, Րաֆֆու փ. 47, 49, 51, 53, 55 շենքեր, Դավթաշեն 2-րդ թաղամասն ամբողջությամբ, Սվաճյան փ. 32, 48 շենքեր, Վարդաշեն 1 փողոց 21-84; 4 փողոց 1-25 առանձնատներ, Վարդաշեն 2 փողոց 2 շենք, Նորք Մարաշ՝ Օհան Դուրյան փողոց 1-22 առանձնատներ, Գ․ Հովսեփյան փողոցի առանձնատներ, Նորք 2-րդ փողոց 2-րդ նրբանցք 3-18 առանձնատներ, Օլիմպոս կրթահամալիր և հարակից ոչ բնակիչ-բաժանորդներ, Նորք 7-րդ փողոց 132-169 առանձնատները, Նորք 11, 13 փողոցների առանձնատներ, Դավիթ Բեկի փողոցի առանձնատներ, «Ընտանեկան», «Հյուրանոցների խումբ Մ-27», «ՊԱՄԳ» ՍՊԸ-ներ, «Յուքոմ», «Վիվա Արմենիա» ՓԲԸ-ներ, «Բաքոս» ռեստորանային համալիր և հարակից ոչ բնակիչ-բաժանորդներ, Ծարավ Աղբյուրի փ. 32 շենք և 31-62/1 առանձնատներ, Ֆանարջյան փ. 23 շենք, Սարկավագի փ. 50-54/6, 126-128/2 շենքեր, Սարկավագ 4-րդ նրբ. 26-30; 5-րդ նրբ. 3-126 առանձնատներ, Թբիլիսյան խճուղի 13/16 առանձնատուն, Շրջանցիկ թունել փ. 1-351 առանձնատներ, Օրբելի փ. 63/1-65 շենքեր, Կիևյան փ. 18-22 շենքեր, Ռայնիսի փ. 19, 87-90 շենքեր, Ռուբինյանց փ. 20 շենք,

Արմավիրի մարզ՝

10:30-15:0 Ջանֆիդա և Փշատավան գյուղեր,

Տավուշի մարզի՝

10։00-13։00 Նոյեմբերյանի տարածաշրջան՝ Զորական, Հաղթանակ, Պտղավան, Դեղձավան, Բագրատաշեն, Դեբեդավան, Արճիս գյուղեր և հարակից ոչ բնակիչ- բաժանորդներ,

10:00-14:00 Հաղարծին գյուղ,

12:00-16:00 Դիլիջան համայնք՝ Թախտա թաղամաս մասնակի, Թբիլիսյան խճուղի մասնակի, Սայաթ-Նովայի, Մյասնիկյան, Ուսանողական փողոցներ մասնակի,

Արարատի մարզ՝

10։00-11։30 Շահումյան գյուղ մասնակի,

10։30-11։00 Լանջազատ գյուղ մասնակի,

10։00-16։00 Մասիս քաղաք՝ Կայարան, 2-րդ թաղամասեր մասնակի, Նորաբաց և Սայաթ-Նովա գյուղեր, Զորակ և Դարակերտ գյուղեր մասնակի,

11։00-14։00 Զանգակատուն գյուղ, Վարդաշատ և Ուրցալանջ գյուղեր մասնակի, Ուրցաձոր գյուղ՝ «Վիվա-Արմենիա», «Տելեկոմ Արմենիա», «Յուքոմ» ընկերությունների բջջային օպերատորների կայաններ և հարակից ոչ բնակիչ-բաժանորդներ, Հայկական զորամասեր, «Հայէրոնավիգացիա» օդային երթևեկության կառավարման կենտրոն, Զովաշենի հեռուստակայան, «Հիդրոմետ կայան» ոչ բնակիչ-բաժանորդ,

11։00-15։00 Արաքսավան, Հովտաշեն գյուղեր, Մխչյան, Մրգավետ գյուղեր մասնակի,

12։30-13։30 Գետազատ գյուղ մասնակի,

Վայոց ձորի մարզ՝

10։30-12։30 Եղեգնաձոր քաղաք՝ Նարեկացու, Շահումյան, Գևորգյան փողոցներ մասնակի,

11։00-16։00 Արտավան գյուղ, Վայք քաղաք՝ Երկրաբանների փողոց, Ջերմուկի խճուղի և Չայքենդի թաղամաս մասնակի,

Կոտայքի մարզ՝

11:00-17:00 Վերին Պտղնի գյուղը մասնակի,

Գեղարքունիքի մարզ՝

09:30-11:00 Ակունք գյուղ 1-ին փողոց 1-ին փակուղի; 12 փողոց 1-ին փակուղի; 13 փողոց 5-րդ նրբանցք և 15 փողոց,

11:00-13:00 Վարդենիկ բնակավայր մասնակի,

11:00-14:00 Ծովազարդ գյուղն ամբողջությամբ, «Յուքոմ», «Թիմ Տելեկոմ» և «Վիվա Արմենիա» ընկերությունների բջջային կայաններ, «Պալունի Հայրապետյան» գազալցակայան, «Ռազմիկ Սահակյան» ԱՁ, «Աքվատիկ» ՍՊԸ, Ծովազարդ գյուղի գյուղապետարան, Հայփոստի բաժանմունք, «Օնիկ Գասպարյան» ԱՁ, Ծովազարդի Ջրմուղ Պոմպակայան, «Թարզու Լևոն» ՍՊԸ և Ծովազարդի դպրոց,

11:00-16:30 Մադինա, Լեռնակերտ բնակավայրերն ամբողջությամբ, Ներքին Գետաշեն բնակավայր մասնակի,

10։30-13։00 Գավառ քաղաք՝ Միքայելյան փ. 1, 7, 13, 15, 17, 30, 32, 42, 48 շենքեր, Միքայելյան փող. 2-րդ անցուղի 13; 2-րդ փակուղի 3 առանձնատներ, Զորավար Անդրանիկի փ. 54 և 2-րդ փակուղի 3 առանձնատներ, Սովխոզնիկների փ. 11 առանձնատուն, Զարգարյան փ. 63 առանձնատուն, Գավառի «Յունիբանկ», «Արդշինբանկ» ընկերություններ, Գավառի Համայնքապետարան, Նարեկացու փ․ 16 և Օգոստոսի փ ․ 23 շենքեր,

14։00-16։30 Ազատության 2-րդ փողոց 4-րդ փակուղի 2, 6, 11, 14, 38, 40, 41, 43 առանձնատներ, Ազատության 2-րդ փողոց 1/25, 1/28, 30 առանձնատներ, Ազատության փ. 32, 43, 44, 47, 48, 50 շենքեր, Սիրունյան փ. 1, 3, 4, 13, 15, 19 առանձնատներ, Միքայելյան փ․ 6, 10, 60 առանձնատներ, Չարենցի փ․ 15, 7 առանձնատներ, Սարինգուլյան փ․ 10 առանձնատուն,

Լոռու մարզ՝

11:00-15:00 Տաշիր քաղաք՝ Անի, Վան, 1-5 թաղամասեր, Երևանյան, Գետափնյա, Խուդյակովի, Պուշկինի, Օրբելի, Գորկու, Խանջյան, Գրիբոյեդովի, Թումանյան, Ջահուկյան և Դեմիրճյան փողոցներ,

Սյունիքի մարզ՝

11:00-14:00 Ույծ գյուղ:

«Փաստ» օրաթերթը գրում է.

Փաշինյանի «կարկառուններից» մեկը հայտարարել է, թե սահմանային «կրակոցների» հետ կապված ադրբեջանական կողմի ապատեղեկատվական սադրանքները վկայում են այն մասին, որ... Հայաստանի համար շահավետ «խաղաղության համաձայնագիր» են իրենք բանակցել:

Բացի այն, որ նման հայտարարությունը տեղով մեկ մանիպուլ յացիա է և ի սկզբանե անվստահելի, թեկուզ հենց միայն այն պարզ պատճառով, որ դա ասողը Փաշինյանի իշխանության ներկայացուցիչ է ու ՔՊ-ի «դեմքերից», բացի այն, որ Ադրբեջանն ինքնին դրանով ցույց է տալիս, որ այդ երկիրը ամենևին խաղաղության կողմնակից չէ, առաջին հերթին մի շարք այլ հարցեր են առաջանում: Լավ, բա եթե դա այդքան ձեռնտու «համաձայնագիր» է, ինչո՞ւ են հենց փաշինյանական իշխանության ներկայացուցիչները հայ ժողովրդին սպառնում պատերազմով: Այսինքն, այնքան լավ, այնքան «խաղաղա... լավ» պայմաններ են, իբր, բանակցել թշնամու հետ, որ թշնամին՝ իր հերթին, Փաշինյանի իշխանության ներկայացուցիչներն՝ իրենց հերթին, Հայաստանի ժողովրդին սպառնում են պատերազմով:

Այս վերջինն էլ իր հերթին մեկ ուրիշ խայտառակ նոնսենս է. Հայաստանի իշխանությունը հայ ժողովրդին ահաբեկում է պատերազմով: Ավելի ստույգ՝ մանիպուլացնում է: Ու ինչպե՞ս. մոտավոր այս ենթատեքստում. «Եկեք թշնամու ուզած ամեն ինչը անենք, թե չէ թշնամին հրե՜ն, կացինը սրած...»:

Ի դեպ, «նոնսենսի» պահով պետք է նկատենք, որ ահաբեկման ու շանտաժի այդ գործելակերպը Փաշինյանն արդեն կիրառել է և ոչ մեկ անգամ, այդ թվում՝ Կիրանցի հետ կապված՝ ուղիղ 1 տարի առաջ: Մեկ տարի առաջ հենց այս օրը (մարտի 18-ին) Փաշինյանն անձամբ մեկնեց Ոսկեպարի, Բաղանիսի ու հարակից բնակավայրերի բնակիչների հետ հանդիպման ու սկսեց հայ մարդկանց ահաբեկել, սարսափեցնել ու հոգեբանական տեռորի ենթարկել, որ եթե Հայաստանի ու նշված բնակավայրերի անվտանգության համար կենսական տարածքները չնվիրեն հայակեր թշնամուն, ապա... մի քանի օրից պատերազմ կլինի, Թուրքիան ու Ռուսաստանը կհարձակվեն Հայաստանի վրա, և այլն:

Մեկ տարի առաջ փորձարկված ու, մեծ հաշվով, ադրբեջանական շահերի լիուլի սպասարկումն ապահոված «տեխնոլոգիան» հիմա կիրառվում է ավելի մեծ մասշտաբով:

Վաղը, հասկանալի է, կարող են նույն սպառնալիքներով նոր զիջումներ անել թշնամում: Իսկ որքան ավելի մեծ զիջումներ անի Փաշինյանը ադրբեջանաթուրքական տանդեմին, այնքան վերջինս ավելի ու ավելի ագրեսիվ է դառնալու հայ հասարակության նկատմամբ: Ի դեպ, Փաշինյանն էլ...

«Փաստ» օրաթերթը գրում է.

Նախորդ երկու օրերին մի քանի անգամ Հայաստանի պաշտպանության նախարարությունը հերքեց հայկական ուժերի կողմից ադրբեջանական դիրքերը գնդակոծելու մասին Ադրբեջանի պաշտպանության նախարարության տարածած ստերը։ Ավելին, Հայաստանում Եվրամիության դիտորդական առաքելությունը ևս փաստացի հերքել է Ադրբեջանի տարածած կեղծ լուրերը՝ հայտարարելով. «Մարտի 16-ին և 17-ին Հայաստանում Եվրամիության դիտորդական առաքելությունը պարեկների է ուղարկել հայ-ադրբեջանական սահմանի տարբեր հատվածներ։ Իրավիճակը շարունակում է հանգիստ ու հանդարտ մնալ, որևէ անսովոր ակտիվություն չի նկատվել»:

Ի՞նչ է սա նշանակում: Կան տեսակետներ, որ նման հաճախականությամբ նման ապատեղեկատվություն Բաքուն ամենևին պատահական չի տարածում: Ի մասնավորի, «Հանրապետության հրապարակ» տելեգրամյան ալիքը կարծում է, որ Ադրբեջանը Սյունիքի դեմ ռազմական ագրեսիայի համար տեղեկատվական հիմքեր է ստեղծում, այսինքն՝ Բաքուն ցանկանում է ունենալ casus belli՝ այսես կոչված «Զանգեզուրի միջանցքը» բացելու համար. «Չնայած հայկական կողմը խոսում է խաղաղության և փաստաթուղթը ցանկացած պահին ստորագրելու պատրաստակամության մասին, սակայն Բաքուն նորանոր պահանջներ է առաջ քաշում՝ ՀՀ-ից փոխհատուցումներ է պահանջում, ադրբեջանցիներ է ցանկանում «վերաբնակեցնել» ՀՀ-ում, պահանջում է կրճատել հայոց բանակն ու չվերազինել այն։ Իլհամ Ալիևի պահանջներն ունեն սկիզբ, սակայն չունեն վերջ։ Բաքուն ամեն ինչ անում է խաղաղության պայմանագիրը չստորագրելու համար, որպեսզի միշտ ունենա հիմքեր՝ հայադրբեջանական սահմանը խախտելու համար»։

Մյուս կողմից՝ ըստ հեղինակների, Ադրբեջանը ցանկանում է հասնել ԵՄ-ի դիտորդների դուրս բերմանը. «ԵՄ դիտորդները զսպող գործոն են և թույլ չեն տալիս Ադրբեջանին գրավել հայկական տարածքներ՝ կրակի տակ պահել սահմանամերձ գյուղերն ու հայ-վրացական և հայ-իրանական ճանապարհները, իսկ այս լոգիստիկան ՀՀ-ի համար ունի կենսական նշանակություն։

Բաքուն ԵՄ-ի դիտորդական առաքելությունն անվանում է հետախուզական և պահանջում է այն դուրս բերել հայ-ադրբեջանական սահմանից, որպեսզի կարողանա անարգել գործել հայկական սահմանի ողջ երկայնքով՝դիպուկահարներով և դիվերսիոն խմբերով։

Անդրադառնալով այն հարցին, որ ԱՄՆ-ի նոր վարչակազմը պահանջում է Ալիևից՝ ազատ արձակել գերիներին, ալիքը նշում է, որ դա, իհարկե, վատ նորություն է Բաքվի համար, քանի որ Թրամփը ցանկանում է հասնել Հարավային Կովկասում խաղաղության. ուկրաինական պատերազմն ավարտվում է, և ՌԴ-ԱՄՆ նոր պայմանավորվածության արդյունքում տեղի է ունենալու աշխարհի գեոպոլիտիկ նոր բաժանում և Հարավային Կովկասը հայտնվելու է ռուսական ազդեցության գոտում։ Ըստ հեղինակների, ԱՄՆ-ն ցանկանում է ունենալ խաղաղ Հարավային Կովկաս, որպեսզի անխոչընդոտ կարողանա նավթ և գազ տեղափոխել կասպյան ավազանից ու Կենտրոնական Ասիայից:

Մասնավորաբար,ԱՄՆ նախագահի ազգային անվտանգության գծով խորհրդական Մայք Ուոլցը գրել է, որ կոնֆլիկտը Հարավային Կովկասում պետք է ավարտվի։ Նա նշել է, որ անցնող շաբաթ խոսել է Ադրբեջանի նախագահի ազգային խորհրդական Հիքմեթ Հաջիևի հետ. «Մենք գոհ ենք, որ Ադրբեջանը և Հայաստանը առաջընթաց մեծ քայլ են արել և համաձայնել են խաղաղության պայմանագրի շուրջ։ Ես նրան ասացի, որ այժմ մենք պետք է վերջնականացնենք այդ խաղաղության գործարքը, ազատ արձակենք բանտարկյալներին, և միասին աշխատենք տարածաշրջանն ավելի անվտանգ և բարգավաճ դարձնելու ուղղությամբ»։

Մյուս կողմից՝ Թուրքիայի տրանսպորտի և ենթակառուցվածքների նախարար Աբդուլքադիր Ուրալօղլուն հայտարարել է, որ, այսպես կոչված, «Զանգեզուրի միջանցքի» թուրքական հատվածի շինարարությունը կսկսվի առաջիկա ամիսներին: Ըստ նրա, ադրբեջանական կողմում շարունակվում են, այսպես կոչված, «Զանգեզուրի միջանցքի» շինարարական աշխատանքները, և առաջիկա ամիսներին կսկսվեն թուրքական 224 կմ երկարությամբ հատվածի աշխատանքները։ Նա պարզաբանել է, որ, այսպես կոչված, «Զանգեզուրի միջանցքը» սկսվելու է Ադրբեջանից, անցնելու է Հայաստանի կամ Իրանի տարածքով, ապա Նախիջևանով, Դիլուչիով և Կարսով և միանալու է Բաքու-Թբիլիսի երթուղու հետ։

«Այսպիսով, «Զանգեզուրի միջանցքը» Մեծ Թուրանի լոգիստիկա է, և ԱնկարաԲաքու տանդեմն ամեն ինչ անելու է, անգամ ռազմական սադրանքի է դիմելու՝ այն բացելու համար, քանի որ այդ միջանցքը բերելու է միլիարդավոր դոլարներ և աշխարհաքաղաքական ազդեցություն Թուրքիային, իսկ Ադրբեջանը կապող կամուրջ է Կենտրոնական Ասիայի և Թուրքիայի համար»,-ամփոփում է տելեգրամյան ալիքը։

«Փաստ» օրաթերթը գրում է.

Ինչպես փոխանցում են տեղի մեր աղբյուրները, Գյումրու ավագանու արտահերթ ընտրություններին ընդառաջ՝ գործող իշխանությունները ստի ու կեղծիքի միջոցով փորձում են ապակողմնորոշել բնակչությանը, նաև կեղծ նարատիվներ են տարածում, որ եթե իշխանական թեկնածուին չընտրեն, ապա բազմաթիվ ծրագրեր չեն իրականացվի։

Ընդդիմադիր թեկնածուները դժգոհում են, որ, ի մասնավորի, ՔՊ-ն սուբվենցիոն ծրագրերն այնքան է ձգձգել, որ դրանց իրականացումն այժմ կապում է քաղաքապետի թեկնածու Սարիկ Մինասյանի անվան հետ՝ տպավորություն ստեղծելով, թե այդ ամենն իրականացվում է զուտ իրենց թեկնածուի շնորհիվ։ Օրերս էլ աշխատանքային այցով Շիրակի մարզում է եղել տարածքային կառավարման և ենթակառուցվածքների նախարար Դավիթ Խուդաթյանը, որը հայտարարել է, թե առաջիկա օրերին բացվելու է «Հյուսիս-Հարավ» ծրագրի Լանջիկ-Գյումրի 27,5 կմ ճանապարհահատվածը, որը զգալիորեն կթեթևացնի մեքենաների երթևեկությունը միջպետական մայրուղով։ Նախարարը նաև խոստացել է մոտ 4 մլն դոլար՝ Գյումրու մի շարք կենտրոնական փողոցների վերանորոգման համար։

Հետաքրքիր է, որ Գյումրու նախկին իշխանությունները տարիներ շարունակ դիմել են Փաշինյանի գլխավորած կառավարությանը, գործադիրն էլ հաստատել է ծրագրերը, սակայն գումարներ այդպես էլ չի փոխանցել, իսկ այժմ, երբ իրենց թեկնածուին անցկացնելու խնդիր կա, քափուքրտինքի մեջ աշխատանքներ են կատարում։ Իհարկե, լավ է, որ աղետի գոտում աշխատանքներ են իրականացվում, բայց այս վերաբերմունքը ընդդիմադիրները որակում են որպես ընտրակաշառք: Մյուս կողմից՝ ստացվում է, որ իշխանությունները կարող էին այդ աշխատանքներն անել դեռ տարիներ առաջ, բայց միտումնավոր ձգձգել են։

Թերթի տեղեկություններով, իշխանությունները հասկանում են, որ արդար ընտրությունների դեպքում հաղթելու որևէ շանս չունեն, և այս օրերին ցուցակագրումներ են իրականացնում, փորձում են գտնել «այլընտրանքային» լուծումներ, այդ թվում՝ այնպիսիք, որոնք ժամանակին քննադատում էր Նիկոլ Փաշինյանը: Մյուս կողմից՝ ՔՊ-ն հույս ունի կոալիցիա կազմել իր սատելիտ ուժերի, ի մասնավորի՝ «Հայաստանի աշխատավորական–սոցիալիստական» կուսակցության և «Եվրոդաշինքի» հետ, սակայն հարցն այն է, որ այս պահի դրությամբ, նախնական հարցումներով, այդ ուժերը անցողիկ շեմը չեն հաղթահարում:

CNN Turk թուրք լրատվական ծառայության տնօրենը Հայաստան կատարած այցից հետո ռեպորտաժ է նկարահանել, որտեղ «պատմական թուրքական» է անվանել մայրաքաղաքի կենտրոնում գտնվող պարսկական Կապույտ մզկիթը, ինչպես և քաղաքն ընդհանրապես։