Ռուսաստանի պատվիրակությունը մեկնել է Ուկրաինայի հետ բանակցությունների, որոնք պետք է տեղի ունենան հունիսի 2-ին Ստամբուլում, հայտնում է ТАСС-ը՝ հղում անելով աղբյուրին։
«Բանակցային թիմը մեկնել է Ստամբուլ»,- ասել է գործակալության զրուցակիցը։
Ռուսաստանի ԱԳ նախարար Սերգեյ Լավրովը հայտնել է, որ նախագահի օգնական Վլադիմիր Մեդինսկու գլխավորած ռուսաստանյան պատվիրակությունը պատրաստ է հունիսի 2-ին Ստամբուլում Ուկրաինային ներկայացնել հուշագիր՝ ճգնաժամի արմատական պատճառների հաղթահարման բոլոր ասպեկտների վերաբերյալ։
Ուկրաինայի պաշտպանության նախարար, բանակցություններում պատվիրակության ղեկավար Ռուստեմ Ումերովը հայտարարել է, որ Կիևը «դեմ չէ» ռուսաստանյան կողմի հետ հանդիպմանը, սակայն մինչ դրա մեկնարկը Մոսկվայից հուշագիր է սպասում։ Ռուսաստանի նախագահի մամուլի քարտուղար Դմիտրի Պեսկովն այս պահանջը ոչ կառուցողական է անվանել։
Նա ընդգծել է, որ այժմ գլխավորը ուղիղ բանակցությունների գործընթացը շարունակելն է։
Բանակցությունների նախորդ փուլը տեղի է ունեցել մայիսի 16-ին և ավարտվել է «1000-ը 1000-ի դիմաց» բանաձևով գերիների փոխանակման պայմանավորվածություններով և հնարավոր ապագա հրադադարի տեսլականի ներկայացմամբ։
Ռուսական կողմի հետ բանակցություններում ուկրաինական պատվիրակությունը կգլխավորի հանրապետության պաշտպանության նախարար Ռուստեմ Ումերովը, իր Telegram ալիքում հայտնել է Ուկրաինայի նախագահ Վլադիմիր Զելենսկին։ Բանակցությունները սպասվում են հունիսի 2-ին Ստամբուլում:
Պետության ղեկավարը նշել է, որ մինչ Թուրքիայում պատվիրակությունների հանդիպումն ինքը «սահմանել է Կիևի դիրքորոշումները»։ Դրանք ներառում են կրակի ամբողջական և անվերապահ դադարեցում, գերիների ազատ արձակում և առևանգված երեխաների վերադարձ: Զելենսկին նաև հայտարարել է ամենաբարձր մակարդակով հանդիպում նախապատրաստելու անհրաժեշտության մասին։ Հիմնական հարցերը, նշել է նա, կարող են լուծել միայն երկու երկրների ղեկավարները։
Հունիսի 2-ին Ստամբուլում սպասվում է ռուսական և ուկրաինական պատվիրակությունների բանակցությունների երկրորդ փուլը, որոնց անցկացման առաջարկը ներկայացրել է ՌԴ արտաքին գործերի նախարարության ղեկավար Սերգեյ Լավրովը։ Նա հայտարարել է, որ ռուսական կողմն արդեն պատրաստել է հուշագիր՝ ուկրաինական ճգնաժամի կարգավորման ասպեկտների վերաբերյալ դիրքորոշումներով։ Ուկրաինայի նախագահի գրասենյակի ղեկավար Անդրեյ Երմակը Ստամբուլում հայտարարել է Ռուսաստանի հետ բանակցություններին երկրի պատրաստակամության մասին։
Կրեմլը նշել է, որ Ռուսաստանի նախագահ Վլադիմիր Պուտինը բազմիցս հանդես է եկել ամենաբարձր մակարդակով շփումների օգտին, սակայն նախ պետք է արդյունքի հասնել կողմերի պատվիրակությունների բանակցություններում: Եթե դա հաջողվի, ապա հնարավոր կլինի խոսել ամենաբարձր մակարդակով շփումների մասին։
Ռուս-ուկրաինական բանակցությունների առաջին փուլը կայացել է մայիսի 16-ին Ստամբուլում։ Արդյունքում կողմերը պայմանավորվել են նախապատրաստել իրենց դիրքորոշումները կարգավորման վերաբերյալ, իրականացնել ռազմագերիների լայնածավալ փոխանակում «1000 1000-ի դիմաց» բանաձևով և շարունակել երկխոսությունը։
Վրաստանում ուժի մեջ է մտել «Օտարերկրյա գործակալների գրանցման մասին» օրենքը՝ ամերիկյան FARA ակտի նմանությամբ: Դրա համաձայն՝ ավելի քան 20 տոկոս արտասահմանյան ֆինանսավորում ստացող վրացական կազմակերպությունները, այդ թվում՝ լրատվամիջոցները, պետք է պարբերաբար հաշվետվություն ներկայացնեն իրենց գործունեության մասին:
Օրենքով սահմանված պահանջները չկատարելու համար նախատեսվում է մինչև 5 տարվա ազատազրկում:
Ըստ իշխող «Վրացական երազանք» կուսակցության՝ նախաձեռնության նպատակն է պայքարել արտասահմանյան ֆինանսավորում ստացող այն կազմակերպությունների դեմ, որոնք փորձում են ապակայունացնել Վրաստանը:
Եվրամիությունը դատապարտել է օրենքի ընդունումը։ ԵՄ դիվանագիտության ղեկավար Կայա Կալասը մտահոգություն է հայտնել, որ այն լուրջ սպառնալիք է Վրաստանում ժողովրդավարության համար և կարող է սահմանափակել այլախոհությունը, քաղաքացիական հասարակությանը և անկախ ԶԼՄ-ների գործունեությունը:
Հայաստանում կա խորը համակարգային ճգնաժամ, այն է՝ գոյություն ունի ոչ մի բանի ունակ իշխանություն, միաժամանակ՝ ոչ մի բանի ունակ ընդդիմություն: Այս մասին ֆեյսբուքյան իր էջում գրել է պատմական գիտությունների թեկնածու Միհրան Հակոբյանը:
«Սա է համակարգի դիագնոզը, ինչը ֆունկցիոնալ տեսանկյունից կաթվածահար է արել պետական մեքենան, հոգեբանական տեսանկյունից՝ հանրային բարոյականության կառուցվածքը:
Եթե կառավարիչը վատն է (Նիկոլը ոչ թե վատն է, այլ շարքային դեգեներատ է), իսկ ընդդիմությունն ունակ չէ հանրությանն այլընտրանք առաջարկել ու իմպիչմենտի գործիքակազմ կիրառել, ունակ չէ նույնիսկ թեկնածու առաջադրել իր շարքերից, ուրեմն գործ ունենք ոչ միայն իշխանության, այլև ընդդիմության տոտալ ֆիասկոյի հետ:
Քաղաքագիտորեն իշխանության այլընտրանքը նախ և առաջ խորհրդարանական ընդդիմությունն է, որը պետք է ձգտի իշխանություն ստանձնելուն: Փաստացի, ստեղծված իրավիճակում ընդդիմությունը ոչ թե փորձում է իշխանությունը վերցնել ու ադեկվատ արձագանքել ներքին և արտաքին հրատապ մարտահրավերներին, այլ փորձում է քաղաքական համակարգում փայ ունենալ ու սպասել «անշառ ժամանակների»:
Եվ, սա միայն ու միայն հաստատում է «խորքային ժողովրդի» գլուխներում խորացող համոզմունքը, այն է՝ «ստավկա չանել» ոչ մի բանի ունակ իշխանության ու ոչ մի բանի ունակ ընդդիմության վրա»,-գրել է նա։
Կիրակի ուկրաինական անօդաչու թռչող սարքերը հարվածել են Ռուսաստանի մի քանի ռազմական օդանավակայանների, BBC-ի ուկրաինական ծառայությանը հայտնել է Ուկրաինայի անվտանգության ծառայության աղբյուրը։ Նրա խոսքով՝ պատերազմից ի վեր ամենամեծ նման հարձակման հետևանքով խոցվել է ՌԴ ավիացիայի ավելի քան 40 ինքնաթիռ, այդ թվում՝ Ա-50, Տու-95, Տու-22 Մ3։
Ռուսական իշխանությունները դեռ չեն մեկնաբանել պատճառված վնասը, սակայն հաստատել են անօդաչու սարքերի հարվածները երկու մարզերի վրա, որտեղ տեղակայված են ռազմական օդանավակայաններ։
Որոշ տեղեկությունների համաձայն՝ անօդաչու սարքերը գործարկվել են Ռուսաստանի տարածքից՝ դուրս թռչելով բեռնատարներից։ Ուկրաինայի անվտանգության ծառայության աղբյուրը գրում է, որ հարձակման են ենթարկվել հետևյալ ավիաբազաները՝ «Օլենյա» (Մուրմանսկի մարզ), «Բելայա» (Իրկուտսկի մարզ), «Իվանովո» (Իվանովոյի շրջան) և «Դյագլևո» (Ռյազանի շրջան):
«Աղբյուրը, որտեղից արձակվել են անօդաչու թռչող սարքերը, արդեն արգելափակված է։ Դա բեռնատար է»,- սոցցանցում գրել է Իրկուտսկի նահանգապետ Իգոր Կոբզևը՝ հավելելով, որ անօդաչու թռչող սարքի հարձակումն առաջինն էր Սիբիրում։
Ըստ ուկրաինական լրատվամիջոցների՝ ընդհանուր վնասը գնահատվում է ավելի քան 2 մլրդ դոլար։
Ռուսական կողմի հետ բանակցություններում ուկրաինական պատվիրակությունը կգլխավորի հանրապետության պաշտպանության նախարար Ռուստեմ Ումերովը, իր Telegram ալիքում հայտնել է Ուկրաինայի նախագահ Վլադիմիր Զելենսկին։ Բանակցությունները սպասվում են հունիսի 2-ին Ստամբուլում:
Պետության ղեկավարը նշել է, որ մինչ Թուրքիայում պատվիրակությունների հանդիպումն ինքը «սահմանել է Կիևի դիրքորոշումները»։ Դրանք ներառում են կրակի ամբողջական և անվերապահ դադարեցում, գերիների ազատ արձակում և առևանգված երեխաների վերադարձ: Զելենսկին նաև հայտարարել է ամենաբարձր մակարդակով հանդիպում նախապատրաստելու անհրաժեշտության մասին։ Հիմնական հարցերը, նշել է նա, կարող են լուծել միայն երկու երկրների ղեկավարները։
Հունիսի 2-ին Ստամբուլում սպասվում է ռուսական և ուկրաինական պատվիրակությունների բանակցությունների երկրորդ փուլը, որոնց անցկացման առաջարկը ներկայացրել է ՌԴ արտաքին գործերի նախարարության ղեկավար Սերգեյ Լավրովը։ Նա հայտարարել է, որ ռուսական կողմն արդեն պատրաստել է հուշագիր՝ ուկրաինական ճգնաժամի կարգավորման ասպեկտների վերաբերյալ դիրքորոշումներով։ Ուկրաինայի նախագահի գրասենյակի ղեկավար Անդրեյ Երմակը Ստամբուլում հայտարարել է Ռուսաստանի հետ բանակցություններին երկրի պատրաստակամության մասին։
Կրեմլը նշել է, որ Ռուսաստանի նախագահ Վլադիմիր Պուտինը բազմիցս հանդես է եկել ամենաբարձր մակարդակով շփումների օգտին, սակայն նախ պետք է արդյունքի հասնել կողմերի պատվիրակությունների բանակցություններում: Եթե դա հաջողվի, ապա հնարավոր կլինի խոսել ամենաբարձր մակարդակով շփումների մասին։
Ռուս-ուկրաինական բանակցությունների առաջին փուլը կայացել է մայիսի 16-ին Ստամբուլում։ Արդյունքում կողմերը պայմանավորվել են նախապատրաստել իրենց դիրքորոշումները կարգավորման վերաբերյալ, իրականացնել ռազմագերիների լայնածավալ փոխանակում «1000 1000-ի դիմաց» բանաձևով և շարունակել երկխոսությունը։
Ռուսաստանյան զորքերը հրթիռային հարված են հասցրել Ուկրաինայի ԶՈՒ ցամաքային զորքերի ուսումնական ստորաբաժանմանը։ Կիևի ժամանակով ժամը 12:50-ի դրությամբ հայտնի է առնվազն 12 զոհի և ավելի քան 60 վիրավորի մասին, հայտնում է «Украинская правда»-ն։
Ըստ Ուկրաինայի ԶՈՒ ցամաքային զորքերի մամուլի քարտուղար Վիտալի Սարանցևի, նախնական տվյալներով ռուսաստանյան ուժերը հարված են հասցրել «Իսկանդերով»։
«Օդային տագնապի հայտարարման պահին ամբողջ անձնակազմը գտնվել է թաքստոցներում, բացառությամբ նրանց, ովքեր, հնարավոր է, չեն հասցրել այնտեղ հասնել։ Նախնական տվյալներով հայտնի է, որ դա «Իսկանդեր» է եղել, սակայն վերջնական տվյալները կլինեն այն բանից հետո, երբ փորձագետներն ուսումնասիրեն հարվածի վայրը»։
Նշվում է, որ օդային տագնապի ժամանակ անձնակազմի որևէ շարում կամ զանգվածային հավաք չի եղել։
«Ընդգծում ենք, որ անձնակազմի որևէ շարում կամ զանգվածային հավաք չի անցկացվել։ Օդային տագնապի ազդանշանի հայտարարումից հետո անձնակազմի մեծ մասը գտնվել է թաքստոցներում։ Տուժածներին անհրաժեշտ որակյալ բժշկական օգնություն է ցուցաբերվում»,- ասել է նա։
Հանրապետությունում հունիսի 2-ին և 5-6-ը կեսօրից հետո առանձին շրջաններում, հունիսի 3-4-ը գիշերը և կեսօրից հետո շրջանների մեծ մասում սպասվում է կարճատև անձրև և ամպրոպ, հնարավոր է նաև կարկուտ։ Հունիսի 3-4-ն առանձին հատվածներում անձրևները կլինեն հորդառատ։
Քամին՝ հարավ-արևմտյան՝ 2-5 մ/վ, ամպրոպի ժամանակ սպասվում է քամու ուժգնացում՝ 18-22 մ/վ արագությամբ։
Օդի ջերմաստիճանը հունիսի 1-ի ցերեկը կբարձրանա ևս 2-3 աստիճանով, հունիսի 3-4-ը կնվազի 3-5 աստիճանով։
Երևանում հունիսի 3-4-ը գիշերը և կեսօրից հետո, 5-ի և 6-ի ցերեկը սպասվում է կարճատև անձրև և ամպրոպ, ամպրոպի ժամանակ՝ քամու ուժգնացում՝ 15-18 մ/վ արագությամբ։
Այս տարվա առաջին եռամսյակում Հանրապետությունում միջին աշխատավարձը կազմել է 298 հազար դրամ։ Այս մասին հայտնում է Ազգային վիճակագրական կոմիտեն։
Դիտարկվող ժամանակաշրջանում գրանցվել է միջին ամսական անվանական աշխատավարձի աճի (5.7%) միտում գրանցված գնաճի (2.5%) նկատմամբ:
Ըստ պաշտոնական տեղեկատվության՝ Հանրապետությունում աշխատուժի միջին թվաքանակը 2024թ. 4–րդ եռամսյակում կազմել է 1 մլն 326 հազար 5 հարյուր մարդ, որոնց 87.1% կամ 1 154.8 հազ. մարդ զբաղված են եղել տնտեսության մեջ, այդ թվում 15.7%-ը՝ գյուղատնտեսության ոլորտում:
ՀԱՄԱՍ-ն արձագանքել է Գազայում հրադադարի՝ ԱՄՆ առաջարկին և համաձայնել է ազատել 10 գերու և Իսրայելին փոխանցել 18 պատանդի մարմին:
Փոխարենը՝ իսրայելական բանտերից պետք է ազատ արձակվեն պաղեստինցի կալանավորներ: Այս պայմանը ներառված էր ԱՄՆ նախագահի բանագնաց Սթիվ Ուիթքոֆի առաջարկում։
Սպիտակ տան տվյալով՝ Իսրայելը համաձայնել էր ամերիկյան նախաձեռնությանը մի քանի օր առաջ։ Սակայն ՀԱՄԱՍ-ն առաջ է քաշել նաև սեփական պայմանները՝ մշտական հրադադար, իսրայելական զորքերի լիակատար դուրսբերում Գազայից և մարդասիրական օգնության երաշխիքներ։ Արդյոք կողմերը կգա՞ն վերջնական համաձայնության՝ դեռ հայտնի չէ:
Ֆոտո
