Ո՞ւմ հաշվին է «տնտեսական հեղափոխությունը» և վիճակագրական «բումը». Անդրանիկ Թևանյան

Անդրանիկ Թևանյանն իր ֆեյսբուքյան էջում գրում է.

Ո՞ւմ հաշվին է «տնտեսական հեղափոխությունը» և վիճակագրական «բումը»
————————————

Պետական վիճակագրական կոմիտեն տեղեկացնում է, որ այս տարվա առաջին հինգ ամիսների տնտեսական ակտիվության ցուցանիշը, (ՏԱՑ) 2018–ի նույն ժամանակահատվածի համեմատ, աճել է 7,3 տոկոսով։ Եվ սա՝ սպառողական գների ինդեքսի կամ, պարզ ասած, 1,9–տոկոսանոց գնաճի պայմաններում (հիրավի, հեղափոխական նոնսենս)։

ՏԱՑ–ն անընդհատ աճում է, բայց արտաքին առևտրաշրջանառությունը կայուն կերպով պակասում է համեմատության մեջ։

Այսպես, 2019–ի հունվար–մայիսին, 2018–ի նույն ժամանակահատվածի համեմատ, արտաքին առևտուրը դոլարային հաշվարկով նվազել է 2,6 տոկսով։ Ցուցանիշների վատացում կա ինչպես ներմուծման (3,4%), այնպես էլ արտահանման առումով (0,9%)։ Այսինքն՝ ստացվում է, որ մեր տնտեսությունն աճում է՝ զուգահեռաբար արտաքին շուկաներ կորցնելով։

«Ինչի՞ կամ ո՞ւմ հաշվին ենք աճում» հարցը պետք է տալ շահումով խաղերի տերերին (ծառայությունների թվի աճն, առանց առևտրի, անցած տարվա 5 ամիսների համեմատ ավելացել է 16,5 տոկոսով), խաղադրույքներ կատարող մեր հպարտ քաղաքացիներին և խաղամոլության կենտրոնների հեղափոխական ու վճարովի պատգամավոր–փաստաբաններին։