Իրանը Ռուսաստանից գնել է Սու-35 կործանիչներ։ Այս մասին հայտարարել է Իսլամական հեղափոխության պահապանների կորպուսի գեներալ Ալի Շադմանին։
«Ձեռք են բերվել Սու-35 կործանիչներ։ Ամեն անգամ անհրաժեշտության դեպքում մենք ռազմական տեխնիկայի գնումներ կիրականացնենք մեր ռազմաօդային, ցամաքային և ռազմածովային ուժերի ամրապնդման համար», - նրա խոսքը մեջբերում են տեղական ԶԼՄ-ները։
Դեռևս անցյալ տարվա ամռանը Իրանի գերագույն առաջնորդի խորհրդական և երկրի միջազգային հարաբերությունների ռազմավարական խորհրդի ղեկավար Քամալ Հարազին հայտարարել էր, որ ռուսական կործանիչներ գնելու շուրջ Թեհրանը բանակցություններ է վարում: Նա նշել էր, որ Իրանի և ՌԴ-ի միջև ռազմատեխնիկական համագործակցության գծով գործարքների համար խոչընդոտներ չկան։
0Comments