Ուկրաինայի Ռադայի մարդու իրավունքների հանձնաժողովը հավանություն է տվել երկրում բժշկական մարիխուանայի օրինականացման մասին նախաձեռնությանը։ Այս մասին հայտնում է Lenta-ն։
Հաղորդվում է, որ ավելի վաղ կառավարությանն ուղղված նամակում այս նախաձեռնության աջակցության համար ստորագրել էր 25 հազար քաղաքացի։ Հայտարարությունում նշվում է թմրամիջոցների, հոգեմետ միջոցների շարքից մարիխուանայի հեռացման անհրաժեշտության մասին։
Նախաձեռնությանն աջակցություն է հայտնել նաև Ուկրաինայի առողջապահության նախարար Ուլյանա Սուպրինը, նշելով, որ մարիխուանան օգնում է թեթևացնել հիվանդների տառապանքներն ու կարգավորում ինքնազգացողությունը ծանր հիվանդությունների դեպքում։
Ներկայումս մարիխուանայի ցանկացած ձևով օգտագործումը Ուկրաինայում արգելված է։
0Comments