Իլոն Մասկը պնդում է, որ նորընտիր նախագահ Դոնալդ Թրամփի հետ միասին մանդատ է ստացել Միացյալ Նահանգների ժողովրդից։
«Ժողովուրդը մեզ մանդատ է տվել, և դա ակնհայտ է։ Ժողովուրդը խոսել է: Ժողովուրդը փոփոխություն է ուզում», - ասել է նա հինգշաբթի օրն Ֆլորիդայում Թրամփի Մար-ա-Լագոյի կալվածքու Ամերիկայի առաջին քաղաքականության ինստիտուտի գալայում։ Մասկը նաև կատակել է, որ ի տարբերություն ազդեցիկ ֆինանսիստ Ջորջ Սորոսի, ինքը պաշտպանում է հանրապետականներին, այլ ոչ թե դեմոկրատներին։ «Ես ենթադրում եմ, որ ինչ-որ մեկը պետք է լինի աջերի Ջորջ Սորոսը», - ասել է նա:
Ավելի վաղ NBC-ն՝ վկայակոչելով աղբյուրներին, հայտնել էր, որ Թրամփի շրջապատում արդեն սկսել են հոգնել Մասկի ազդեցությունից և քաղաքական գործչի կողքին նրա մշտական ներկայությունից։ NBC-ի աղբյուրի համաձայն՝ Մասկը գործում է որպես Միացյալ Նահանգների համանախագահ՝ ակտիվորեն առաջ մղելով Թրամփի երկրորդ ժամկետի իր տեսլականը։
Թրամփը հայտարարել է, որ Մասկը և գործարար Վիվեկ Ռամասվամին կգլխավորեն նոր գերատեսչություն, որը կկենտրոնանա կառավարության արդյունավետության բարձրացման և բյուրոկրատիայի դեմ պայքարի վրա։
Նա պարզաբանել է, որ նոր մարմինը կաշխատի Սպիտակ տան և նրա կառավարման և բյուջեի գրասենյակի հետ՝ լայնածավալ կառուցվածքային բարեփոխումներ իրականացնելու համար։
0Comments