Ամառային դիետան ենթադրում է, որ հարկավոր է սնվել օրական 6-8 անգամ՝ փոքր չափաբաժիններով, ինչի շնորհիվ սնունդն ավելի արագ եւ դյուրին է յուրացվում: Հարկավոր է ավելի շատ մաքուր ջուր խմել, որը կօգնի մաքրել օրգանիզմն ու ազատվել ավելորդ կիլոգրամներից: Բայց ոչ մի դեպքում չի կարելի է քաղցած մնալ: Դա կարող է ավելի վատ ազդել ինքնազգացողության վրա, քան շոգ եղանակը:
Մոտավոր ճաշացանկ
Նախաճաշ. ջրով պատրաստված շիլա (120 գրամ) կամ մրգերով կաթնաշոռ (100 գրամ), առանց շաքարավազի թեյ կամ սուրճ:
Երկրորդ նախաճաշ. մեկ խոշոր կամ երկու միջին չափի միրգ (շուրջ 150 գրամ):
Ճաշ. բանջարեղենային (առանց կարտոֆիլի) ապուր (200 գրամ): Եթե խաշած բանջարեղեն չեք սիրում, հարիչով հարեք, հրաշալի կրեմ-ապուր կստացվի:
Կեղեւով շոգեխաշած կամ խաշած 2 միջին չափի կարտոֆիլ:
Գրիլի վրա պատրաստված 100-150 գրամ թռչնամիս:
Հազարով աղցան՝ 1 թ/գ բուսական յուղով:
1 միրգ, թեյ՝ առանց շաքարավազի:
Հետճաշիկ. ըմպելի յոգուրտ՝ թարմ քերած որեւէ մրգով:
Ընթրիք. 100-120 գրամ ձուկ՝ ջեռուցում պատրաստված, 100 գրամ շոգեխաշած բանջարեղեն:
Հազարով աղցան՝ 1 թ/գ բուսական յուղով:
Քնելուց առաջ. 1/2-1 բաժակ 1% յուղայնությամբ կեֆիր:
Իհարկե, ամեն օր միեւնույն մթերքները ուտելով՝ արագորեն կձանձրանաք: Այդ պատճառով ձգտեք տարատեսակ բանջարեղեն ու կանաչեղեն ընտրել՝ նոր ուտեստներ ու աղցաններ պատրաստելու համար:
0Comments