Սխալ ընտրված կտրվածքը կարող է փչացնել ոչ միայն վարսերի տեսքը, այլեւ ձեր գեղեցիկ դեմքը: Մասնագետները խորհուրդ են տալիս սանրվածք ընտրել՝ ելնելով դեմքի ձեւից: NEWS.am STYLE-ը ներկայացնում է, թե որ դիմագծերին ինչ ձեւի կտրվածքներ են համապատասխանում:
Կլոր դեմք: Այս տիպի դեմք ունեցող եւ բարակ վարսերով կանայք պետք է նախապատվությունը տան կարճ եւ ուռացրած սանրվածքին: Նման սանրվածքը տեսողականորեն երկարացնում է գլուխը՝ մեղմելով դեմքի կլորությունը: Կարելի է նաեւ թեք մազափունջ թողնել ճակատի վրա: Գլխավոր սկզբունքն է՝ վարսերով ծածկել այտերը, իսկ ասիմետրիկ մազափնով տեսողականորեն երկարացնել դեմքը:
Կլոր դեմք եւ փարթամ վարսեր ունեցող աղջիկները պետք է խուսափեն կարճ կտրվածքներից: Ամենահարմարը երկար վարսերը կլինեն՝ վերը նշված սկզբունքով:
Դեմքի քառակուսի ձեւ ունեցող աղջիկների համար ամենիդեալական սանրվածքը ալիքներն ու խոպոպներն են: Չարժե ուղիղ եւ խիտ մազափունջ անել, ինչպես նաեւ՝ վարսերն ամբողջությամբ հետ տանել:
Օլվալաձեւ դեմքին գրեթե բոլոր կտրվածքներն ու սանրվածքները համապատասխան են: Մազափունջը ամենաարդյունավետ տարբերակն է, եթե դեմքը շատ է երկար, որը տեսողականորեն կարճացնում է այն, իսկ ուղիղ վարսերն այստեղ անտեղին են: Դրանք էլ ավելի են երկարացնում դեմքը:
0Comments