Այսօր ԲԴԽ անդամներ Գրիգոր Բեքմեզյանի, Հայկ Հովհաննիսյանի և Լիպարիտ Մելիքջանյանի նախաձեռնությամբ հրավիրված ԲԴԽ դռնբաց նիստի ժամանակ, որի ընթացքում քննարկվում է Նախշուն Տավարացյանի լիազորությունների դադարեցման հարցը, Գրիգոր Բեքմեզյանը Նախշուն Տավարացյանին հարցրեց.
– Հիմա ես ճի՞շտ եմ հասկանում, որ, ըստ Ձեզ, յուրաքանչյուր դատավոր, ԲԴԽ անդամ կարող է և իրավունք ունի ընտրվելուց հետո չերդվել և երդվել այն պահին, երբ ինքը կուզի երդվել, և դա նորմալ է, և դա օրինական է։
– Ոչ,- պատասխանեց Նախշուն Տավարացյանը,- որովհետև այնպես չի եղել, որ ես, քմահաճույքից ելնելով՝ չեմ երդվել։ Ես հարկադրված եմ եղել չերդվելու համար, և օրենսգրքում պետք է անպայման փոփոխություն կատարվի։
Գրիգոր Բեքմեզյանի այն հարցին, թե՝ Ձեզ ստիպե՞լ են, Նախշուն Տավարացյանն արձագանքեց՝ այո։
Հարցին, թե ո՞վ է ստիպել, դատավոր Տավարացյանն ասաց.
– Դե հիմա թողնենք։ Ստիպելու տակ Դուք առանձնապես քրեորեն հետապնդելի արարք մի փնտրեք։ Ես ասում եմ՝ ստեղծված իրավիճակում։
ԲԴԽ անդամների պնդումներին, թե ով է այնուամենայնիվ ստիպել, Նախշուն Տավարացյանը կրկնեց՝ «դուք դա բառացի մի ընդունեք, բայց կարող եմ ասել, որ ստեղծված իրավիճակն այնպիսին էր, որ, այո, ես հարկադրված չերդվեցի»։
Մանրամասները՝ տեսանյութում։
0Comments