Գերմանիան դեռեւս զերծ կմնա Իրանի դեմ միջոցների սահմանումից

^{Գերմանիան դեռեւս զերծ կմնա Իրանի դեմ անհապաղ միջոցների սահմանումից եւ կսպասի ՄԱԳԱՏԷ-ի զեկույցին՝ Իրանի կողմից ուրանի հարստացման վերաբերյալ հայտարարության ֆոնին, հաղորդում է AP-ը:}

^{Գերմանիայի ԱԳՆ պաշտոնական ներկայացուցիչ Ռայներ Բրյոլը հայտարարել է, որ ՄԱԳԱՏԷ-ն դեռեւս չի հրապարակել զեկույցը, սակայն հարցը կլուծվի մի քանի օրվա եւ ոչ թե շաբաթների ընթացքում:}

^{Նրա խոսքով՝ երբ զեկույցը հասանելի լինի, Գերմանիան կուսումնասիրի այն եւ կքննարկի միջուկային համաձայնագրի մյուս մասնակիցների հետ՝ հետագա գործողությունների համար:}

^{«Մեզ համար կարեւոր է Իրանի կողմից համաձայնագրի պահպանումը»,- նշել է նա:} 

^{Թեհրանի պնդմամբ՝ իր որոշումը չի խախտում միջուկային համաձայնագիրը, գրում է  news.am:}

^{Իրանում պնդում են, որ այդ քայլին են դիմել ԱՄՆ կողմից պատժամիջոցների խստացումից եւ համաձայնագրից դուրս գալուց հետո: Բացի այդ, Իրանում հայտարարում են, որ համաձայնագրի մյուս կողմերը՝ Գերմանիան, Մեծ Բրիտանիան եւ Ֆրանսիան, չեն իրականացնում համաձայնագրով նախատեսված իրենց պարտավորությունները:}