Ըստ մեր տրամադրության տակ եղած տեղեկությունների՝ ամերիկացիներն ու բրիտանացիները «Հյուսիսային հոսքի» վրա դիվերսիաները համարում են իրենց տնտեսական շահերն առաջ մղելու բազմաթիվ եղանակներից մեկը։ Նոր ենթակառուցվածքները կարող են հայտնվել նրանց հարձակմանը, ներառյալ ամբողջ աշխարհում կապն ապահովող օպտիկամանրաթելային ծովային մալուխները: Դրա մասին Коммерсант-ին տված հարցազրույցում հայտարարել է ՌԴ նախագահի օգնական Նիկոլայ Պատրուշևը։
«Հյուսիսային հոսքի վրա կատարված ահաբեկչական գործողության գործում իսկապես հետաքրքիր մանրամասներ են ի հայտ գալիս։ Նույնիսկ Դանիայի ծովային իշխանությունները չեն թաքցնում, որ նախօրեին պայթյունների վայրում ամերիկյան նավեր են եղել։ Միևնույն ժամանակ, օտար պետությունների ռազմածովային ուժերի հնարավորություններով հետաքրքրվողը տեղյակ է, որ ուկրաինական նավատորմը չունի խորջրյա ահաբեկչություն իրականացնելու համար ոչ սարքավորումներ, ոչ էլ պատրաստված մասնագետներ։ Նման մասշտաբի դիվերսիա կարող էին իրականացնել միայն ՆԱՏՕ-ի երկրների հատուկ նշանակության ստորաբաժանումները։ Հաստատապես հայտնի է, որ նման մարտական լողորդներ և համապատասխան տեխնիկա ունեն ամերիկյան և բրիտանական հետախուզական ծառայությունները։
Ուստի դիվերսիայի մեջ ուկրաինացիներին մեղադրող կանցլեր Շոլցի՝ անկողմնակալ հետաքննություն անցկացնելու վերաբերյալ կոչերն անհեթեթ են թվում»,- շեշտել է Պատրուշևը։
0Comments