Իսրայելը հարվածել է է Սիրիայի մի շարք քաղաքների, որտեղ նաև ռուսական բազաներ են տեղակայված

Իսրայելը հարձակվել է Սիրիայի արեւմուտքում գտնվող Ջեբլե ծովափնյա քաղաքում գտնվող զինամթերքի պահեստի վրա, հայտնում է սաուդյան Al-Hadat հեռուստաալիքը։

Ավելի վաղ սիրիական ԶԼՄ-ները այտնել էին, որ Լաթաքիա նավահանգստային քաղաքի երկնքում պայթյուններ են լսվել։ Ավելի ուշ պարզաբանվեց, որ գործում էր հենց Սիրիայի հակաօդային պաշտպանությունը։ Պայթյուններ են լսվել նաեւ Տարտուսում, որտեղ տեղակայված է ռուսական բազան։

Մարդու իրավունքների սիրիական դիտորդական խումբը հայտնել է «անօդաչու թռչող սարքերի հարվածների մասին, որոնց աջակցում են ռազմական ինքնաթիռները, որոնք, ենթադրաբար, իսրայելական են»: 

Դրանց հասցրած հարվածները հանգեցրել են հզոր պայթյունների ու պահեստների ավերման։ Պայթյունները լսվել են մեծ հեռավորության վրա։

Իսրայելը չի ​​մեկնաբանում այս տեղեկությունը։