Թուրքական ավիաուղիները վերսկսել են թռիչքները դեպի Լիբիա, որոնք ընդհատվել էին 10 տարի առաջ՝ անվտանգության իրավիճակի պատճառով։ Այս մասին հայտնում է լիբիական Al Wasat տեղեկատվական պորտալը։
Ըստ ԶԼՄ-ի՝ ավիաընկերության առաջին ինքնաթիռը վայրէջք է կատարել Տրիպոլիի Միտիգա միջազգային օդանավակայանում։ Լիբիայի Ազգային միասնության կառավարության տրանսպորտի նախարար Մուհամմեդ ալ-Շահուբին, ելույթ ունենալով այդ առիթով կազմակերպված արարողության ժամանակ, ասել է, որ Turkish Airlines-ի թռիչքների վերականգնումը «խրախուսող քայլ է այլ միջազգային ավիաընկերությունների համար»։
Ինչպես հայտնում է Al Wasat-ը, թուրքական ընկերությունը մտադիր է վերսկսել թռիչքները նաև դեպի Լիբիայի այլ քաղաքներ՝ Միսուրատ և Բենղազի։
Հունվարին Լիբիայի իշխանությունները հայտարարեցին, որ միջազգային աուդիտի արդյունքների հիման վրա որոշվել է, որ Լիբիան պատրաստ է թռիչքներ ընդունել եվրոպական երկրներից։ Հաղորդվել է, որ թռիչքների արգելքը, ամենայն հավանականությամբ, կհանվի ապրիլին։ Իտալիան անցյալ տարվա սեպտեմբերին հանել էր լիբիական ինքնաթիռների թռիչքների արգելքը, որը գործում էր վերջին 10 տարում։
0Comments