Շիական անօդաչու թռչող սարքերը գնդակոծել են Սիրիայում և Իրաքում ամերիկյան բազաները. ԶԼՄ-ներ

«Իրաքի իսլամական դիմադրության»-ը պատկանող շիա զինյալ ստորաբաժանումները հրթիռակոծել են Սիրիայի Հասաքա նահանգի հարավում գտնվող ալ-Շադդադի ամերիկյան ռազմաբազան։ Այս մասին հայտնել է Al Mayadeen հեռուստաալիքը։ Ըստ լրատվամիջոցի՝ շիա մարտիկները հարձակման համար օգտագործել են անօդաչու թռչող սարքեր։ Պայթյուններ են տեղի ունեցել ռազմական օբյեկտի տարածքում, որոնց ձայները լսվել են հարակից տարածքում։

Հինգշաբթի երեկոյան շիա անօդաչու սարքերը հարվածել են Իրաքում գտնվող ամերիկյան բազայի վրա, որը գտնվում է Էրբիլի վարչական կենտրոնից հյուսիս (Բաղդադից 425 կմ հեռավորության վրա)։ Այս հարձակման հետեւանքների մասին տեղեկություններ չեն հաղորդվում։

Հոկտեմբերի 31-ին Պենտագոնի խոսնակ Պատրիկ Ռայդերը հայտնել է, որ հոկտեմբերի 17-ից ի վեր տարածաշրջանում ԱՄՆ բազաների վրա ընդհանուր առմամբ 27 հարձակում է եղել՝ 16-ը՝ Իրաքում, 11-ը՝ Սիրիայում։ Իր հերթին Պենտագոնի ղեկավար Լլոյդ Օսթինը պահանջել է դադարեցնել Մերձավոր Արևելքում ամերիկյան ուժերի վրա հարձակումները, որոնք իրականացվել են, նրա կարծիքով, Իրանի աջակցությամբ։ Օսթինի խոսքով՝ այս հարձակումների արդյունքում 21 զինվոր թեթև վիրավորվել է։

Հոկտեմբերի 24-ին «Իրաքի իսլամական դիմադրության» շարժման ներկայացուցիչ Ջաաֆար ալ-Հուսեյնին Al Mayadeen հեռուստաալիքին ասել է, որ «մոջահեդների ստորաբաժանումները գործել են Գազայի հատվածում պաղեստինցի եղբայրների կողքին և նրանց աջակցելու համար ուղղորդել են նրանց հարձակումներն ամերիկյան բազաների վրա»։