Samsung ընկերությունը հայտարարում է Samsung Neo QLED 8K պրեմիալ հեռուստացույցների նոր սերնդի թողարկման մասին: «Արմենպրես»-ի հաղորդմամբ՝ 2023 թվականի շարքը միավորում է հեռուստացույցների արտադրության վերջին նվաճումները. գերազանց պատկեր, ծավալուն ձայն և արհեստական բանականության տեխնոլոգիաներ՝ Infinity One մինիմալիստական դիզայնով բարակ կորպուսում:
Պատկեր
8К իրական կետայնությունն ապահովում է պատկերի առավելագույն իրատեսականությունն ու գերբարձր հստակությունը: Արհեստական բանականության հիման վրա գործող Quantum 8К նեյրոնային պրոցեսորը 64 նեյրոցանցերով վերլուծում է մատուցվող նյութն ու մանրագույն մասնիկների վերականգնմամբ ծավալ հաղորդում պատկերին: Դրանք կադր առ կադր բարելավում են ներկայացվող նյութը 8K առավելագույն որակով ցուցադրման համար: Մանրամասնեցված պատկերը, տեսարանների խորությունն ու ծավալը, սահմանների հստակությունը պատկերն աներևակայելի իրատեսական են դարձնում:
Ձայն
Dolby Atmos®-ը ծավալուն ձայն է ստեղծում էկրանի ամբողջ պարագծով տեղակայված մուլտիալիքային բարձրախոսների շնորհիվ: Իսկ նոր՝ վերին բարձրախոսները, որոնք հայտնվել են Samsung հեռուստացույցների 2023 թվականի շարքում, ստեղծում են բազմաշերտ ծավալուն ձայն ու լիովին ընկղմում ձեզ այն ամենի մեջ, ինչ կատարվում է էկրանին: OTS Pro տեխնոլոգիան արհեստական բանականություն է, որը վերլուծում է յուրաքանչյուր կադր ու տեղաշարժում ձայնն էկրանի օբյեկտների հետևից: Թափվող անձրևի և հեռվից լսվող ամպրոպի ձայները կլցնեն ձեզ շրջապատող ամբողջ տարածությունը:
Դիզայն
Նոր մոդելները մարմնավորում են «անկշռելի վայելչականություն» հասկացությունը. անսահման էկրանը ստեղծում է լիարժեք ընկղմման տպավորություն՝ առանց շեղող գործոնների: Լրակազմում տեղ գտած հարմարավետ տակդիրն ու մետաղյա կորպուսի մասնիկներն ապահովում են հեռուստացույցի պրեմիալ տեսքը:
Գեյմինգ
Neo QLED 8K տեխնոլոգիաները թույլ են տալիս դիտման ընթացքում ոչ միայն վայելել պատկերի իրատեսականությունը, այլև՝ հնարավորություն են տալիս լիովին ընկղմվել խաղային գործընթացի մեջ: 144 Հց թարմացման բարձր հաճախականությունն ապահովում է պատկերի հստակությունն ու սահունությունն անգամ խաղային ամենադինամիկ տեսարաններում: Ոգևորված գեյմերներն անպայման կգնահատեն պատկերի պատռման ու կախման բացակայությունը, կոնսոլից կամ ԱՀ-ից ազդանշան հայտնաբերելու դեպքում հեռուստացույցի ավտոմատ անցումը խաղային ռեժիմին և գերլայն պատկերի բարելավումը 21:9 կամ 32:9 կողմերի հարաբերակցությամբ:
Միացման հնարավորությունները
SmartThings հատուկ հավելվածը միավորում է Samsung-ի խելացի տան տեխնոլոգիաներն ու թույլ տալիս կառավարել դրանք՝ այդ թվում նաև հեռուստացույցի էկրանի միջոցով: 2023 թվականի Samsung հեռուստացույցներն արդեն ունեն ներկառուցված IoT Hub (խելացի տան կառավարման կենտրոն), որի շնորհիվ անմիջապես TV-ին կարելի է միացնել կողմնակի արտադրողների խելացի սարքավորումներն ու կառավարել դրանք:
Հոգածություն մոլորակի մասին
Samsung հեռուստացույցների նոր մոդելներն էկոլոգիապես ավելի մաքուր են: Տուփն արտադրված է վերամշակված հումքից, այն հարմար է օգտահանել: Արևային մարտկոցներով աշխատող թարմացված հեռակառավարման վահանակն ավելի կոմպակտ է դարձել, իսկ օգտագործված վերամշակված հումքի քանակն աճել է մինչև 24%: Ավելին՝ այժմ հեռակառավարման վահանակն աշխատում է արևային մարտկոցներով, որոնք լիցքավորվում են արհեստական կամ բնական լույսով և USB Type-C բնիկի միջոցով: Դա օգնում է նվազեցնել մարտկոցների վտանգավոր թափոնները:
Հայաստանում Neo QLED 8K հեռուստացույցների թարմացված շարքը ներկայացված է հետևյալ մոդելներով՝ տարբեր անկյունագծերում. QN900C, QN800C: : Samsung-ի Neo QLED հեռուստացույցի գնման հաճելի լրացում կլինի WINK առցանց կինոթատրոնի տարեկան բաժանորդագրությունն իբրև նվեր: Առաջարկը գործում է հուլիսի 17-ից սեպտեմբերի 17-ը:
0Comments