Ես շատ կուզեմ, որ ձեր երեխաները հպարտանան ձեզանով, ու հիմա, երբ որ ես հարց եմ տալիս, ես աչքիս առաջ ունեմ, որ դուք մայր եք, ու դա ինձ զսպում է:
Ասել է ՔՊ-ական Վիգեն Խաչատրյանը «Պատիվ ունեմ» խմբակցության կողմից առաջադրված ՄՊՀ անդամի թեկնածու Անահիտ Սարգսյանին:
«Այն մթնոլորտը, որը եղել է մինչև 2018 թիվը, եղել է գարշելի մթնոլորտ: Չի նշանակում, որ հիմա երկնքից հրեշտակներ են իջել ու այդ մթնոլորտը փոխվել է բայց ցանկությունը կա և իրոք շատ բան փոխվել է: Դուք չե՞ք զզվում այն մթնոլորտից որտեղ ստիպված աշխատել եք: Դուք չգիտեի՞ք, որ մենաշնորհ չէ, մեկի շնորհք կա: Դուք դա շատ լավ գիտեիք: Երբ որ խոսում էիք, մտածում էի կիրթ մարդ է, բայց հիմա աղանդավորի տպավորություն եք թողնում»,- ասաց Խաչատրյանը։
Անահիտ Սարգսյանը նշեց, որ չի հասկանում՝ ինչու է հայրենիքի հանդեպ սերը ընկալվել որպես աղանդավորություն:
«Ես որևէ քաղաքական կուսակցության չեմ պատկանել, որևէ քաղաքական գործչի հետ մտերիմ հարաբերություններ չեմ ունեցել, երբեք չեմ եղել նախկին նախագահի աշխատասենյակում, և նրա կողմից հանձնաժողովի անդամ ընտրվել եմ բացառապես իմ կատարած աշխատանքի և գործունեության արդյունքում»,-պարզաբանել է Սարգսյանը։
0Comments