Մարոկկոյի հավաքականը Կատարում ընթացող 2022 թվականի Աշխարհի առաջնության կիսաեզրափակիչ խաղում 0։2 հաշվով պարտվել է Ֆրանսիայի ընտրանուն։
Այսպիսով, Մարոկկոյի հավաքականը կխաղա Խորվաթիայի հետ երրորդ տեղի համար խաղում։
Հանդիպումը տեղի կունենա Դոհայում, Խալիֆա միջազգային մարզադաշտում, շաբաթ օրը՝ դեկտեմբերի 17-ին: Մեկնարկային սուլիչը կհնչի Երևանի ժամանակով 19:00-ին:
Կատարի մրցաշարի եզրափակիչում կհանդիպեն Արգենտինայի և Ֆրանսիայի հավաքականները։ Այս թիմերը վերջին անգամ միմյանց հանդիպել են պաշտոնական խաղում 2018 թվականին՝ Ռուսաստանում կայացած Աշխարհի առաջնությունում։ Այն ժամանակ նրանք հանդիպեցին մրցաշարի 1/8 եզրափակիչ փուլում, իսկ եվրոպական հավաքականը գոլառատ խաղում հաղթեց 4։3 հաշվով։
Այս տարվա եզրափակչի հանդիպումը կկայանա «Լուսաիլ» մարզադաշտում, կիրակի օրը՝ դեկտեմբերի 18-ին։ Հանդիպման մեկնարկը՝ Երևանի ժամանակով 19:00-ին:
Նշենք, որ ֆրանսիացիներն աշխարհի գործող չեմպիոններն են և այժմ հնարավորություն ունեն երկրորդ անգամ անընդմեջ դառնալ մոլորակի լավագույն թիմը։
0Comments