Երևանի մանկապարտեզների աշխատակիցների աշխատավարձերը կբարձրանան ապրիլ ամսին

Փոխտնօրեններն ու տնօրենները դեռևս դուրս կմնան այս որոշումից

Lրագրողների հետ ճեպազրույցի ժամանակ  Երևանի քաղաքապետ Հայկ Մարությանը հայտարարեց, որ Երևանի մանկապարտեզների աշխատակիցների աշխատավարձերը կբարձրանա 20 տոկոսով:

«Որոշում կա՝ մանկապարտեզների աշխատակիցների աշխատավարձերը բարձրացնել 20 տոկոսով:  Կսկսենք իրագործել մոտավորապես ապրիլ ամսվա սկզբին: Փոխտնօրեններն ու տնօրենները դեռևս դուրս կմնան այս որոշումից, բայց մնացած ամբողջ կազմի մոտ կավելանա»,- շեշտեց Մարությանը և հավելեց, որ բյուջեից տարեկան 1 մլրդ դրամ է հատկացվելու:

Նա նաև ընդգծեց, որ այսօր մանկապարտեզների աշխատակիցների աշխատավարձերը տարբեր են՝ սկսած մոտ 70 հազարից մինչև 100 հազար դրամ: