10 մարդ է զոհվել Բուրկինա Ֆասոյի հյուսիսում տեղի ունեցած ահաբեկչության հետևանքով, հաղորդում է AFP-ն` վկայակոչելով երկրի իրավապահ մարմիններին:
Աղբյուրի փոխանցմամբ` կիրակի առավոտյան զինված անձինք հարձակվել են երկրի հյուսիսում գտնվող գյուղերից մեկի վրա և կրակ բացել խաղաղ բնակիչների ուղղությամբ, ինչի հետևանքով 10 մարդ զոհվել է, երկուսը` վիրավորվել:
Գործակալությունը նշում է, որ տեղի իշխանությունները միջադեպը համարել են ահաբեկչություն:
2015-ից սկսած Բուրկինա Ֆասոյի հյուսիսային շրջաններն իսլամիստների կողմից հաճախ են հարձակումների ենթարկվում: Վերջերս զինյալները սկսել են հարձակումները նաև երկրի այլ շրջաններում:
0Comments