Ավստրալական Քերնս քաղաքում զբոսանավը բախվել է նավամատույցին և վախեցրել ռեստորանում ընթրող մարդկանց:
Ինչպես հաղորդում է 7news.com.au-ն, ականատեսներից մեկի նկարահանած տեսանյութում երևում է, թե ինչպես է 46 մետր երկարությամբ Moatize զբոսանավը մոտենում նավամատույցին, իսկ զբոսաշրջիկները սարսափով և բղավելով հետևում են, թե ինչ է տեղի ունենում:
Պարզվել է, որ գիշերը վնասվել է նավի շարժիչներից մեկը, ինչի հետևանքով զբոսանավը սկսել է շարժվել մեծ արագությամբ: Երբ Moatize-ը մոտենում էր նավամատույցին, անձնակազմի մի մասը դուրս էր եկել տախտակամած՝ ձեռքով անելու նավամատույցում կանգնած մարդկանց և խնդրելու նրանց հետ կանգնել: Անձնակազմի մյուս մասը խարիսխն էր գցում՝ փորձելով արգելակել նավը:
Մերձակա Prawn Star ափամերձ ռեստորանի այցելուները, որոնք ընթրում էին և հետևում միջադեպի ընթացքին, սարսափել են՝ տեսնելով արագ մոտեցող նավը:
Միջադեպից հետո ռեստորանը ստիպված էին ժամանակավորապես փակել, քանի որ նավը վնասել էր տեղանքը:
0Comments