Իլհամ Ալիեւը Ռուսաստանից, ԱՊՀ ոչ պաշտոնական գագաթաժողովից վերադառնում է Բաքու՝ կապված Աքթաուում ինքնաթիռի կործանման հետ, «ՌԻԱ Նովոստի»-ին ասել է ադրբեջանական պաշտոնական աղբյուրը։
«Ողբերգության հետ կապված՝ Ադրբեջանի նախագահը վերադառնում է Բաքու»,- ասել է գործակալության զրուցակիցը։
Azerbaijan Airlines-ի Բաքվից Գրոզնի թռչող ինքնաթիռը դեկտեմբերի 25-ի առավոտյան կործանվել է Ղազախստանի արեւմուտքում, Աքթաու քաղաքից ոչ հեռու։ Լրատվամիջոցների նախնական տեղեկացմամբ՝ պատճառը օդանավի բախումն է եղել թռչնի հետ։
Ինքնաթիռում, նախնական տվյալներով, եղել են 62 ուղեւոր եւ անձնակազմի 5 անդամները։ Ղազախստանի ԱԻՆ օպերատիվ շտաբի տվյալներով՝ ողջ է մնացել 25 մարդ, նրանք տեղափոխվել են հիվանդանոց։
0Comments