Աբխազիայի Կենտրոնական ընտրական հանձնաժողովը պատրաստ է սկսել փետրվարի 15-ին նշանակված արտահերթ ընտրություններում նախագահի թեկնածուներ առաջադրող նախաձեռնող խմբերի գրանցումը։ Այդ մասին հայտնել է Աբխզիայի ԿԸՀ մամուլի ծառայությունը։
Աբխազիայում արտահերթ նախագահական ընտրություններում կպայքարեն 5-6 թեկնածուներ։
Հնարավոր թեկնածուներից են Աբխազիայի նախագահի պարտականությունները կատարող Բադրա Գունբան, որն ընդդիմության առաջնորդներից է, Էկոնոմիկայի նախկին նախարար Ադգուր Արձինբան, Ռուսաստանի Դաշնությունում Աբխազիայի նախկին առևտրային ներկայացուցիչ Օլեգ Բարցիցը, Աբխազիայի Վերահսկիչ պալատի նախկին ղեկավար Ռոբերտ Արշբան։
Կարող են լինել մեկ-երկու այլ թեկնածուներ ևս։
Պաշտոնական առաջադրումները կսկսվեն դեկտեմբերի 17-ին։ Նախագահի թեկնածուների գրանցումը կսկսվի հունվարի 6-ին և կավարտվի հունվարի 16-ին։ Նախագահի արտահերթ ընտրությունն, ինչպես արդեն նշվեց, փետրվարի 15-ին է։
0Comments