ՏԻՄ ընտրական շտաբից ստացված նախնական տվյալների համաձայն՝ «Վրացական երազանքն» արդեն երաշխավորված մեծամասնություն ունի Վրաստանի խորհրդարանում, հայտարարել է Թբիլիսիի քաղաքապետ, «Վրացական երազանք» կուսակցության գլխավոր քարտուղար Կախա Կալաձեն, հաղորդում է վրացական Առաջին ալիքը։
Ինչպես ճեպազրույցում նշել է Կալաձեն, ժամը 15:00-ի դրությամբ աննախադեպ բարձր մասնակցություն է գրանցվել, և յուրաքանչյուր ընտրողի քվեն մեծ նշանակություն ունի։
«Այսօր որոշվում է՝ մեր երկիրը կվերադառնա՞ մութ անցյալ, թե՞ կպահպանի խաղաղությունն ու արժանապատվությունը, առանց որի երկրի զարգացումն աներևակայելի և անհնար է։ Նշենք, որ երեք ժամվա տվյալները ցույց են տալիս աննախադեպ բարձր ակտիվություն, ինչը արմատական ընդդիմությանը հաջողության հասնելու շանս չի թողնում։ ՏԻՄ ընտրական շտաբից ստացված նախնական տվյալների համաձայն՝ «Վրացական երազանքն» արդեն երաշխավորված մեծամասնություն ունի Վրաստանի խորհրդարանում, բայց մենք պետք է հավաքենք մեր վերջին ուժերը և գնանք ընտրատեղամասեր՝ սահմանադրական մեծամասնություն ստանալու համար»,- ասել է Կախա Կալաձեն։
0Comments