|
Լրագրող Նաիրի Հոխիկյանի ֆեյսբուքյան գրառումը. «Թուրքիայում իրար գլխի են հավաքվել մի շարք երկրների դիվանագետներ ու քննարկում են տարածաշրջանային հարցեր։ Ու հանկարծ Հայաստանի դիվանագիտության կարկառուն ներկայացուցիչ Ռուբեն Ռուբինյանը պաշտոնական հանդիպում և պանելային քննարկում է ունենում Թուրքիայի, Ադրբեջանի և ԵՄ դիվանագիտական պաշտոնյաների հետ։ |
Թուրք Քըլըջն ու ադրբեջանցի Հաջիևը միաբերան սկսում են ճնշում գործադրել հայ պաշտոնյայի վրա, տողերի արանքում սպառնալ, պահանջել արտատարածքային ճանապարհ, զենքից հրաժարում, մի խոսքով` կապիտուլյացիա։
Թվում է, թե ԵՄ դիվանագիտական ներկայացուցիչ Տոյվո Կլաարը պետք է աջակցության խոսք ասի հայկական կողմին, մանավանդ որ Հայաստանի իշխանությունը զօրուգիշեր սիրո և հավատարմության երդումներ է տալիս Արևմուտքին։
Սակայն ԵՄ պաշտոնյան շարունակում է թուրքական կողմի պնդումները և ասում, որ հենց Թուրքիան է դրական ազդեցություն ունենալու Հայաստանի ապագայի վրա։
Խեղճուկրակ Ռուբեն Ռուբինյանն էլ սառը հայացքով նստած' լսում է ու հերթական խայտառակ ստորացումը բերում մեր երկրի պատմության համար»:
Աղբյուրը` Նաիրի Հոխիկյան
0Comments