Եվրահանձնաժողովի նախագահ Ուրսուլա ֆոն դեր Լեյենը Փարիզում եվրոպացի առաջնորդների արտակարգ գագաթնաժողովից հետո հայտարարել է, որ Ուկրաինայում խաղաղությունը պետք է ուղեկցվի անվտանգության հուսալի երաշխիքներով։ Այս մասին հայտնում է Ria Novosti-ն։

«Այսօր Փարիզում մենք հաստատեցինք, որ Ուկրաինան արժանի է խաղաղության հաստատակամության միջոցով: Խաղաղություն, որը հարգում է նրա անկախությունը, ինքնիշխանությունը, տարածքային ամբողջականությունը՝ անվտանգության հուսալի երաշխիքներով»,- գրել է ԵՀ-ի ղեկավարը X սոցիալական ցանցում:

Նա նաև հավելել է, որ «Եվրոպան կրում է Ուկրաինային տրամադրվող ռազմական աջակցության իր ամբողջ բաժինը»:

Ֆոն դեր Լեյենը նշել է, որ ԵՄ-ն պետք է ուժեղացնի սեփական պաշտպանությունը։