Ուկրաինան արդեն պատրաստել է Ռուսաստանի հետ գերիների փոխանակման անվանացանկ՝ «1000-ը՝ 1000-ի դիմաց» ձևաչափով։ Այն հանձնվել է ռուսական կողմին, ըստ РБК-Украина-ի՝ հայտնել է ռազմագերիների հետ վարվելակերպի համակարգող շտաբի պետի տեղակալ Անդրեյ Յուսովը։

«Ուկրաինան փոխանակման ցանկ է ներկայացրել», -նշել է նա։

Անցյալ շաբաթ Ստամբուլում Մոսկվայի և Կիևի միջև անցկացված բանակցություններից հետո բանտարկյալների փոխանակման վերաբերյալ համաձայնագիր է ձեռք բերվել։

Ուկրաինայի պաշտպանության նախարարության գլխավոր հետախուզական վարչության պետ Կիրիլ Բուդանովը ենթադրել է, որ նման փոխանակումը կարող է տեղի ունենալ արդեն այս շաբաթ։

Այսօր՝ մայիսի 22-ին, Ուկրաինայի նախագահ Վլադիմիր Զելենսկին, գերիների փոխանակման վերաբերյալ հանդիպումից հետո, հայտարարել է, որ Ռուսաստանը Ուկրաինային է փոխանցել իր անվանացանկը։

Այս տեղեկությունը հաստատել է նաև Ռուսաստանի նախագահի մամուլի քարտուղար Դմիտրի Պեսկովը։