Ուզում են «տինտիրիտներ անել», հո մանկապարտեզ չի՞. Էդմոն Մարուքյան
Հուլիսի 31, 2025

Ուզում են «տինտիրիտներ անել», հո մանկապարտեզ չի՞. Էդմոն Մարուքյան

By Մայիսի 19, 2025 143

ԱԺ «Քաղաքացիական պայմանագիր» խմբակցությունից հեռացված, այժմ անկախ պատգամավորներ Հակոբ Ասլանյանի ու Հովիկ Աղազարյանի կողմից վարչապետի թեկնածու առաջադրված  Նիկոլ Փաշինյանի  հատուկ հանձնարարություններով նախկին դեսպան, «Լուսավոր Հայաստան» կուսակցության նախագահ Էդմոն Մարուքյանն Ազգային ժողովում է։

Նա լրագրողների հետ զրույցում նշեց. «Ի՞նչ է նշանակում՝ նա վստահություն  չի ներշնչում։ Ո՞ւմ մոտ, ո՞ւմ մոտ չի ներշնչում։ Հակոբ Ասլանյանը ու Հովիկ Աղազարյանը հայտարարել են, որ իրենք «Պատիվ ունեմի» և «Հայաստանի» նախաձեռնություններին չեն միանալու։ Այսինքն ընդդիմության կորցրած երկու ստորագրությունները նորից կկորչեն, հիմա իրենք ի՞նչ՝ այսինքն ուզում են պրոցեսը վիժեցնե՞լ։

Այսինք,  Էդգար Ղազարյանն ուզում է ասել՝ եթե թեկնածուին չի առաջադրել Սերժ Սարգսյանը, ուրեմն իրենք դե՞մ են»։

Նա նշեց, որ չի ուզում անդրադառնալ «Արթուն ենք» քաղաքացիական շարժման նախաձեռնող, հասարակական-քաղաքական գործիչ Էդգար Ղազարյանին. «Էդգար Ղազարյանը Նիկոլ Փաշինյանի մոտ դեսպան է աշխատել Լեհաստանում։ Հուսով եմ՝ Էդգար Ղազարյանը, Նարեկ Մալյանը հարգում են իրենց խոսքը։ Երկուսն էլ դիմել են պատգամավորներին՝ սկսեն իմպիչմենտի գործընթաց։ Պատգամավորները նախաձեռնել են։ Դրանից հետո որևէ պատրվակով  խոսակցությունները շարունակել, նշանակում է շարունակել, Կիրովականի ասած, «տինտիրիտներ անել»։ Հո մանկապարտեզ չի՞։ Լուրջ մարդիկ ենք։ Հիմա «Պատիվ ունեմի» 6 պատգամավորներ հայտարարել են, որ առանց նախապայմանների տալիս ենք,սպասում ենք Հակոբ Ասլանյանի աշխատասենյակում, բերեք ստորագրությունները, ի՞նչ խնդիր կա։ Ի՞նչ է նշանակում, որ եթե Սերժ Սարգսյանի թեկնածուն չի, ուրեմն չեն միանո՞ւմ։ Թող այդպես ասեն։ Ասում են՝ բա նա էստեղ ա աշխատել, նա էնտեղ ա աշխատել։ Եկեք ես որեւէ մեկի անցած ճանապարհին չանդրադառնամ, ահավոր բաներ տեղի կունենան։ Ես ուզում եմ բոլորի հետ նորմալ գործընկերային հարաբերություններ պահպանել։ Իմ թիվ մեկ նպատակն է իմպիչմենտը հասցնել տեղ՝ անսալով իրենց նախաձեռնած պրոցեսին և պաշտոնանկել Նիկոլ Փաշինյանին»։

Հարցին՝ ինչո՞ւ եք ուզում Փաշինյանին անվստահություն հայտնել, Մարուքյանը պատասխանեց. «Կլսեք  իմ 60 րոպեանոց ելույթում։ Նախագծում հիմնավորումը ներկայացված է։ Նիկոլ Փաշինյանի կառավարությունն արդեն  երկար ժամանակ շեղվել է ինքն իր ծրագրից, որն անվտահության հիմք է»։

Նա նաեւ հայտարարեց, որ Հովիկ Աղազարյանն  իրեն ասել է, որ եթե «Հայաստանը» կամ «Պատիվ ունեմ»–ը իրեն առաջադրեր վարչապետի թեկնածու, իրենք չէին միանա։

Մարուքյանը տեղեկացրեց, որ այսօր երեք արտախորհրդարանական ուժերի հետ հանդիպում ունի։

ԱԺ անկախ պատգամավոր Հակոբ Ասլանյանը ԱԺ-ում լրագրողների հետ զրույցում հայտարարեց. «Էդգար Ղազարյանը, Նարեկ Մալյանը կամ մեկ ուրիշը, ով ուզում է ձեռնարկի իմպիչմենտ, մենք՝ ես և պարոն Աղազարյանը, չենք ստորագրի և այդ պրոցեսը չի գնա, որովհետև այդ պրոցեսը գնալու է այնպես, ինչպես գնում է հիմա, եթե չէ, թող հույս չունենան, որ մենք որևէ ձևով կստորագրենք»։

Rate this item
(0 votes)

Լրահոս

Ֆոտո

Ռուսաստանի և ԱՄՆ-ի միջև պատերազմ թույլ տալ չի կարելի․ Ռուբիո

ԱՄՆ-ում 30 տարի առաջ սառեցված սաղմից երեխա է ծնվել

Վերին Լարսը փակվեց․ սելավը հեղեղել է Վրաստանից Ռուսաստան տանող ճանապարհը

Իսրայելի ռազմաօդային ուժերը մի շարք հարվածներ են հասցրել Լիբանանի հարավին և արևելքին

Չինաստանը Ղազախստանում երկրորդ և երրորդ ատոմակայանները կկառուցի

31-ամյա վարորդը «Lada»-ով մխրճվել է կայանված «Howo»-ի հետնամասի մեջ. կա 5 վիրшվոր

Ռուսաստանի և ԱՄՆ-ի միջև պատերազմ թույլ տալ չի կարելի․ Ռուբիո

Պուտինը Հայ-Ռուսական համալսարանի գործունեության վերաբերյալ օրենք է ստորագրել

Պուտինը ստորագրել է VPN-ի օգտագործումը որպես ծանրացուցիչ հանգամանք ճանաչող օրենք

Ռուսաստանը և Ուկրաինան պետք է համաձայնության գան խաղաղության շուրջ մինչև օգոստոսի 8-ը․ Թրամփ

Բժիշկները զգուշացնում են TikTok-ի թրենդ՝ ձմերուկի դիետայի վտանգների մասին

Ռուսաստանը ռմբակոծել է Իսրայելի դեսպանատան քարտուղարի բնակարանը

Ավելի քան 1,2 հազար հայկական բեռնատարներ սպասում են Լարսն անցնելուն

«Աբրահամյանը, այլ «յաներն» ու «ովերը» կարող են նպաստել միայն Փաշինյանի էլեկտորալ խնդիրների լուծմանը». Հակոբ Բադալյան

Հնդկաստանի պետական ընկերությունները դադարեցրել են ռուսական նավթի գնումները