2 օր առաջ աշխատանքից ազատված փոխնախարարը Նուբարաշենի հոգեբուժարանի տնօրենի ԺՊ է նշանակվել
ՀՀ առողջապահության նախարար Անահիտ Ավանեսյանը 2 օր առաջ աշխատանքից ազատված իր տեղակալ Արտակ Ջումայանին նշանակել է Հոգեկան առողջության պահպանման ազգային կենտրոնի (Նուբարաշենի հոգեբուժարան) տնօրենի ժամանակավոր պաշտոնակատար։ Այս մասին տեղեկանում ենք ՀՀ առողջապահության նախարարությունից։
Կենտրոնը տնօրեն չուներ ապրիլի 22–ից` նախկին տնօրեն Սերգեյ Խաչատրյանի` «Մարգարյան» ծննդատան գլխավոր տնօրեն նշանակվելուց հետո։
«Ուրախ եմ, որ պարոն Ջումայանը հանձն է առնելու այս կենտրոնի կառավարումը: Մեր առաջնահերթ նպատակներից է, որ կենտրոնը մեր երկրում այս ոլորտի համար դառնա նաև մեթոդական և մասնագիտական ուղղորդիչ դերակատարություն ունեցող հաստատություն: Վստահ եմ, որ պարոն Ջումայանի մասնագիտական փորձն ու հարուստ գիտելիքները կարևոր դեր կունենան կենտրոնի արագ ու արդյունավետ զարգացման գործում»,-նշել է Անահիտ Ավանեսյանը` Ջումայանին ներկայացնելով կենտրոնի թիմին:
Նախարարը վերջին շրջանում կենտրոնի ղեկավարումն իրականացրած գործընկերներին շնորհակալություն է հայտնել կառավարման անցնցում ընթացքի համար։
Քննարկվել են նաև կենտրոնի առաջիկա զարգացման ուղղություններն ու ծրագրերը։
Latest from Live24
- ԱՄՆ-ն և Ուկրաինան քննարկել են ռուսական ակտիվների ապագան
- Ուկրաինայի նախկին վարչապետը մեղադրել է Կիևին 100 միլիարդ դոլարի արտաքին օգնությունը գողանալու մեջ
- Ինչ կանի Թրամփը, եթե ձախողվի Ուկրաինայի խաղաղության ծրագիրը
- Մանրամասներ՝ Ադրբեջանում կայացած Հայաստանի ու Ադրբեջանի սահմանազատման հանձնաժողովների հանդիպումից
- Արթուր Սարգսյանի խափանման միջոց կալանքը փոխվեց տնային կալանքով և 20 մլն դրամ գրավով․ փաստաբան
- Այն, ինչ պետք է տեղի ունենա, անպայման կլինի. ամեն բան իր պահն ունի
- Կաթողիկոսի տնօրինությամբ հրավիրվում է եպիսկոպոսաց ժողով
- Տաջիկստանը հայտնել է Աֆղանստանի կողմից հարձակումների հետևանքով 5 զոհի մասին
Լրահոս
Ֆոտո
